Ola tropical situa riba e parti oriental di laman Caribe a sigui debilita

ORANJESTAD / WILLEMSTAD -  Servicio Meteorologico di Corsou awe mainta a duna un ‘update’ relaciona cu condicion di tempo actual.

Meteo a duna di conoce: “Un ola tropical situa awe mainta riba e parti oriental di laman Caribe ta move den direccion west. E sistema aki a sigui debilita durante e ultimo 24 ora y no tin posibilidad pa sigui desaroyo den un ciclon tropical. Na e momentonan aki mayoria weer asocia cu e sistema ta crusa nort di nos region. Meteo ta sigui vigila e condicion di tempo, mientras tanto e disturbio ta crusa nos region durante di proximo 24 ora. “

Na final di e comunicado Meteo ta bisa: “Sigui tur pronostico di Meteo pa bo ta debidamente informa.”