Cu excepcion di algun, scolnan na Aruba a habri nan aña escolar awe

ORANJESTAD – Cu excepcion di algun, mayoria scol a habri nan aña escolar awe diaranson. Manera tur aña esaki ta nifica un combinacion di emocion mixto, unda cu un grupo ta nervioso di cuminsa nan prome aña escolar, mientras cu otronan ta ansioso pa topa nan amigonan bek, y otronan, well, no ta mucho contento cu vacacion largo a termina. Y manera ta e caso tur aña, varios scol ta habri nan aña den un forma special. E aña aki, a scohe Dominicus College cu a haci su entrada special.  Tur potret di scol y of di alumnonan bayendo scol, ta publica cu permiso di e respectivo scol y of e respectivo mayornan. Noticiacla ta desea tur alumno un bon aña escolar nobo, y pa automobilistanan, tene cuenta cu trafico lo ta bek na normalidad y cu esaki ta nifica, pasenshi y trankilidad riba caminda.