Aruba ta enfrenta Canada awe tardi den LLWS 2025

WILLIAMSPORT – Despues di a cay venci contra Taipei China dialuna cu e score di 4-0, nan ta haya un ultimo chens pa sigui na bida den e torneo internacional awe tardi 5'or ora di Aruba, y por mira e wega aki via e canal di television ESPN.  Nan contrincante ta basta fuerte y a gana e seleccion di Australia diadomingo cu e score di 12-0. Pero ta e mesun seleccion cu a cay venci contra Venezuela den nan prome encuentro, 4-0. E interesante ta cu si Canada vence Aruba, nan tin cu topa Venezuela atrobe den nan proximo encuentro. Si Aruba vence Canada, nan ta bira e contrincante di Venezuela. Venezuela, di chiripa a logra yega, debi na su status cu visa. E seleccion cu perde awe, ta keda elimina di e torneo.