Aruba ta gana su prome wega di LLWS 2025 contra Panama!

WILLIAMSPORT – Aruba ta gana su prome wega di Little League World Series 2025, cu score di 8-2 contra Panama, cu a bin duro pa gana su di dos wega sigui. Pero, cos a bay diferente. Aruba a score prome y tuma ventahe y score den di dos inning. Despues Aruba ta parce di a haya su ritmo, den top di 4 inning, cu a pone Panama comete varios eror, incluyendo un obstruccion na tercera base cu a permiti e team Caribense extende su ventaha na 4-0.

Panama ta anota un careda cu dos out den e parti abou di e di 5 inning pa evita un shutout contra Aruba. 

E RESULTADO

E pitcher di Aruba Arnold Gismar Martha a permiti apenas tres hit y un careda mientras cu el a strike out ocho den cinco inning lansa. Diliano Raven a bay 2 pa 3 cu dos RBI y un careda pa Aruba, mientras cu Isaac Arendsz a bay 1 pa 2 cu 2 RBI den e victoria.

Panama ta haci un cambio di pitcheo trempan den inning prome cu permiti Aruba anota cuatro careda mas. Aruba ta lidera Panama 8-1 cu dos out den top di di 6 inning.

Aruba a wordo obliga pa haci otro cambio di pitcheo despues di a entrega e caredanan cu a yuda Panama. Na final, Aruba ta gana e partido, 8-2 y ta hunga bek dialuna atardi 5’or. Potretnan cortesia di LLWS.