Comite di Conmemoracion Pasado di Sclabitud ta habri oficina na Sint Eustatius

Posted on 08/14/2025 9:40 am AST | Updated on 08/14/2025 9:42 am AST

ORANJESTAD –– Riba 12 di ougùstùs, parti anochi, a habri e ofisina di Komité di Konmemorashon Pasado di Sklabitut na Sint Eustatius. E apertura ta marka un paso importante den konmemorashon i diálogo struktural di e pasado di sklabitut riba e isla i den region.

Durante e seremonia presidente di komité Astrid Elburg, diputado enkargá ku Kultura Rechelline Leerdam, hefe di e ofisina na Sint Eustatius Raimie Richardson i Lucia Beck, direktor di e Komité di Konmemorashon Pasado di Sklabitut den parti karibense di Reino, a hiba palabra.

Astrid Elburg tabatin un mensahe poderoso: “Nos ta habri porta di nos ofisina nobo aki na Sint Eustatius. Pero simbólikamente nos ta habri algu hopi mas importante: un porta pa por forma parti di e totalidat, pa por ta bo mes den tur sentido di e palabra. Un porta pa un futuro kaminda nos ta honra e bèrdat kompleto di nos historia.”

Diputado Leerdam a indiká: “Mi ta spera e ofisina aki bira un testimonio di nos pasado – un foro pa diálogo den presente i un fuente di speransa pa nos futuro – un futuro den kua nos ta keda transformá di víktima pa vensedó, pará firme den forsa di nos patrimonio kompartí i e resiliensia di nos komunidat.”

Raimie Richardson a enfatisá e poder intrínsiko di emansipashon: “Emansipashon no ta algu fiá òf duná; e ta algu ku ta presente for di komienso – e ta parti di ken nos ta for di komienso di tempu. E ta algu ku ta biba den nos, algu ku nos ta eksigí dor di komprenshon, orguyo i resiliensia.” El a finalisá su diskurso ku un yamada pa union. “No laga e ofisina aki ta djis un lugá kaminda nos ta konmemorá, pero tambe un lugá di forsa. Pa nos kòrda ku nos pasado no ta un kadena, pero un paso dilanti. I miéntras nos ta wak dilanti, laga nos hasi esaki ku orguyo, propósito i den union.”

Lucia Beck a klousurá e parti ofisial ku palabranan tokante di futuro i generashonnan: “Awe ta marka un komienso nobo. Huntu nos ta drenta un kapítulo nobo – unu yená ku bèrdat, sanashon i transformashon. Nos ta bai realisá kosnan grandi – no pa nos mes, pero pa e generashonnan di futuro. Pa esnan ku mester kana e kaminda aki ainda, mester tende e nòmbernan aki ainda i lo sa ku nan ta forma parti di algu mas grandi.”

Antorcha di emansipashon

Despues di e diskursonan tabatin un momentu mashá spesial riba e plenchi, kaminda a entregá e antorcha di emansipashon na Joshua Spanner i Ishn Courtar, ku alabes a fungi komo maestro di seremonia durante e anochi aki. E antorcha simbóliko aki ta guia e kaminda pa traspaso di konosementu di generashon pa generashon.

Pa hopi aña kaba Joshua Spanner ta e motor tras di konmemorashon di abolishon di sklabitut na Sint Eustatius. Hopi tempu promé ku diskulpa di Hulanda, e tabata lucha inkansabel pa rekonosementu. Su esfuersonan tabata inkluí bishita na skol i vários programa tokante di e patrimonio Afrikano i konmemorashon di e antepasadonan sklabisá na e isla. Ora el a risibí e antorcha el a enfatisá: “Nunka un antorcha tabata e kos. Ta nos antepasadonan semper tabata mustra e kaminda.”

Ishn Courtar ta un hóben di Statia ku ta komprometé ku alma i kurpa pa mantenshon i promoshon di patrimonio kultural i hubentut na Sint Eustatius. E ta un defensor di e kultura i historia di Statia, ku di forma aktivo ta kontribuí na fortifikashon di identidat kultural bou di hóben.

Eksposishon ‘NOS: Kaminda pasado i presente ta topa’

Mas anochi a presentá e eksposishon ‘NOS: Kaminda pasado i presente ta topa’. E eksposishon di video trahá ku Inteligensia Artifisial, ta konta e historia di tempu promé ku sklabitut na Afrika, e komèrsio di katibu transatlántiko, héroenan di parti karibense di Reino i na Sürnam, emansipashon i e diskulpa di Hulanda pa e ròl ku el a hunga den pasado di sklabitut.

Ku apertura di e ofisina i eksposishon e Komité di Konmemorashon di Pasado di Sklabitut ke kontribuí na diálogo, edukashon i konsientisashon duradero – tantu na Sint Eustatius komo den hinter region.

E ofisina na Sint Eustatius ta e di dos ofisina di e Komité den parti karibense di Reino. Riba 25 di mei a habri porta di e ofisina na Kòrsou. Na Hulanda a habri e ofisina na Den Haag na aprel. Ku e tres ofisinanan aki por sirbi hinter Reino. A skohe konsientemente pa Kòrsou i Sint Eustatius pa e ròl prominente ku e dos islanan tabatin den pasado di sklabitut. NOTA: Texto ta scirbi den Papiamento fonetico di Corsou.

Mas pasaheronan i buelo na aeropuerto Sint Maarten den 2025
PHILLIPSBURG - Princess Juliana International Airport riba Sint Maarten a procesa mas pasaheronan den 2025 cu un aña prome. Segun e aeropuerto, e cantidad di biaheronan a subi di 1,6 miyon den 2024 pa 1,8 miyon den 2025. Cu esey, e recuperacion di e aeropuerto ta sigui avansa, despues di e fuerte caida den añanan anterior.
Mas Region
Lesa Mas
Aeropuertonan cubano ta menasa di keda sin kerosin den 24 ora
HAVANA - Trafico di avion for y pa Cuba ta den peligro serio di wordo perturba, awor cu stock di kerosin den e pais ta den caba. Gobierno a adverti companianan di aviacion cu dialuna proximo lo ta e ultimo dia cu lo tin ainda combustible disponibel na aeropuertonan Cubano. Te poco tempo pasa, Cuba tabata ricibi petroleo for di Venezuela, pero Merca ta blokia exportacion di petroleo awor. Presidente Donald Trump ta mira Cuba como un amenaza pa seguridad di Merca. For di Europa, entre otro, Air Europa, Iberia, Neos y Turkish Airlines ta mantene conexion di buelo cu Cuba. Actualmente no tin buelo for y pa Hulanda: KLM y TUI fly a stop cu ofreser buelonanan pa e pais durante e ultimo añanan. Un representante di Air Europa a laga sa cu e buelonanan entre Madrid y Havana lo sigui provisionalmente. Durante e biahe, avionnan ta tuma combustible na Santo Domingo na Republica Dominicana.
Mas Region
Lesa Mas
Negoshinan na Bonaire awor por usa internet di Starlink di Elon Musk
KRALENDIJK - For di awe, Successfully ta ofrece servicionan di internet Starlink pa negoshinan na Bonaire. Danki na e permiso reciente pa servicionan Starlink den Caribe Hulandes, duna door di Rijksinspectie Digitale Infrastructuur (RDI), negoshinan por awor usa e solucion potente di internet satelital di Starlink. E technologia aki ta ofrece un conexion stabyl y rapido, tambe na lugarnan unda solucionnan tradicional di internet ta limita of no ta disponibel.
Mas Region
Lesa Mas
Relaciona cu caso di sarampi na Bonaire, ta investigando su exposicion na Aruba
ORANJESTAD – Na Bonaire a confirma riba 1 di februari un caso importa di sarampi. Esaki ta wordo informa door di Directie di Salud Publico Aruba. For di investigacion epidemiologico ta resulta cu e persona infecta a transita via Aruba entre 28 y 29 di januari, ora cu e ya tabata mustra sintomanan di sarampi. E persona a biaha for di su pais di origen via Aruba pa Bonaire. Segun Directie di Salud Publico, durante e periodo ey por a tin un exposicion corto y posible na virus di sarampi na Aruba. Te awor no a wordo registra ningun infeccion local riba e isla. E directie ta adverti cu e cantidad di casonan di sarampi na mundo ta crece y cu na varios pais a wordo reporta brotenan. Pesei nan ta yama e poblacion pa keda alerta, cu atencion extra pa hende cu ta traha den sector turistico, manera hotelnan, restaurantnan, aeropuertonan y transporte publico.
Mas Region
Lesa Mas
GGD ta bati alarma pa contaminacion di sarampi di un bishitante cu a yega Boneiro for di Aruba
KRALENDIJK - Un bishitante cu a yega Boneiro riba diasabra pa medio di un barco di carga for di Aruba, a resulta di tin sarampi. GGD Boneiro y Fundashon Mariadal a tuma medida inmediato pa preveni e contagio di e malesa. Esaki a wordo informa pa e gobierno di Boneiro. Segun e gobierno, e contaminacion a wordo contrahe for di e isla y e paciente a wordo hiba hospital immediatamente despues di yega. “GGD ta investiga ainda ken lo por a tin contacto cu e paciente y ta aconseha hende cu un riesgo aumenta,” asina e gobierno a declara. “Si ta necesario, lo ofrece un tratamientu preventivo.” E riesgo pa habitantenan segun e gobierno ta chikito pa e momento. Solamente personanan cu ta tin contacto directo cu e paciente lo wordo sigui; otro habitantenan no mester tuma ningun medida. NOTA: E potret ta uno crea, como simpel ilustracion y no ta refleha ningun persona real.
Mas Region
Lesa Mas
Na Boneiro, partidonan politico ta purba pa lapi un gobierno nobo hunto
KRALENDIJK – Despues cu Noticiacla a raporta diamars anochi cu gobierno di Boneiro a cay, ta mustra cu tin intencion pa ‘lapi’ un gobierno hunto atrobe. Tabata diamars anochi cu miembro di Conseho Insular, Salma Serberie a entrega carta di retiro na Gezaghebber John Soliano. Cu esaki el a anuncia di no ta sostene e coalishon aki mas. E caida di Gobierno no ta un sorpresa. Ya pa basta luna tin friccion den coalicion. Noticiacla a compronde cu ta actitud di lider die partido Democrat, lo ta e causa principal di e friccion. Asina un medio di Corsou (Boneriano) ta raporta.
Mas Region
Lesa Mas