Trump ta yama lidernan Europeo ‘hende grandi’ poco prome cu nan reuni

WASHINGTON - Presidente di Merca Trump a anuncia riba un tono diplomatico cu e lo reuni cu representantenan Europeo awe tardi. “Mi lo ta papiando cu lidernan Europeo despues. Nan ta hendenan grandi cu kier mira un acuerdo,” Trump a bisa riba medionan social. E reunion porta sera tabata programa pa awe mainta 8’or ora di Aruba.

E lo tabata un reunion tenso: Ucrania y su aliadonan Europeo kier urgi Trump pa no acomoda Putin despues. E lidernan Ruso y Mericano lo reuni diabierna den e estado Mericano di Alaska. E presidente mericano ta portreta esaki como un reunion exploratorio pa finalmente stop e invasion ruso di Ucrania. Pero tin miedu na Kyiv y Bruselas cu Trump lo haci consecionnan na Putin.

Tras di kortina, segun informe, Putin a propone un tregua a cambio di e apoderacion completo di e region di Donbas den oost di Ucrania. Zelenskyy semper a rechasa abiertamente e cedimento di teritorio como no-negociabel. Segun e corant Britanico The Telegraph, segun informe, Ucrania awor ta dispuesto pa cede teritorionan ocupa pa Rusia. E informenan aki no a keda confirma oficialmente.