Air France - KLM afecta pa robo di data. Data di cliente a keda comprometi

AMSTERDAM - Air France-KLM a wordo afecta pa un violacion di data. Datnan personal di pasahero a wordo comprometi. No ta cla cuanto cliente a keda afecta. Segun Air France-KLM, e infraccion a envolvi un sistema di tercera parti uza pa e departamento di servicio na cliente di e aerolinea. Den un email pa clientenan afecta, KLM a declara cu nomber y informacion di contacto, entre otro, a wordo filtra. Segun e aerolinea, atakenan similar a wordo raporta na otro companianan den e ultimo dianan.

ALERTA

Air France-KLM ta urgi clientenan pa ta vigilante riba mensahenan di phishing. “Si bo ricibi mensahenan sospechoso of yamadanan di telefon cu ta pidi informacion personal of ta urgi bo pa tuma accion, sea alerta,” e compania a scirbi den e email na clientenan. E compania di aviacion a implementa medidanan di seguridad. E sistemanan interno di KLM y Air France no a wordo afecta. Segun e compania di aviacion, no a horta datonan delicado manera contraseña, detayenan di biahe, of informacion di paspoort of tarheta di credito. Autoridad Hulandes pa Proteccion di Data (DPA) a wordo notifica di e data breach door di KLM, e organisacion ta confirma. Air France a informa e organisacion Frances di privacidad. DPA no por duna comentario riba e detayenan di e rapport.