Secretario di estado van Marum ta yega Aruba otro siman pa su prome bishita

DEN HAAG / ORANJESTAD - Secretario di estado di Asuntunan Interno y Relacionnan den Reino, Eddie van Marum, di 10 te 15 di augustus, lo haci un bishita di trabou na Sint Maarten, Aruba y Corsou. Esaki lo bira su prome biahe pa e parti caribense di Reino, for di momento cu el a tuma e cartera di Relacionnan den Reino di su antesesor. E enfoke di e bishita di secretario di estado Van Marum ta, cera conoci cu e isla- i gobernantenan. 

ARUBA

Diamars,12 di augustus, señor Van Marum lo biaha pa Aruba, unda e ta cuminsa cu cera conoci cu colaboradornan di Representacion di Hulanda na Oranjestad. Pa e parti oficial di e bishita di trabou na Aruba, e ta realisa un bishita cerca gobernador arubano, Alfonso Boekhoudt. Despues e ta cera conoci cu presidente di Parlamento di Aruba, Marlon Sneek y e lidernan di fraccion di e partidonan den Parlamento arubano.  Riba diarason, 13 di augustus, señor Van Marum ta papia cu prome minister Mike Eman, vice prome minister y minister di Relacionnan den Reino  Gerlien Croes, i minister di Finansa Geoffrey Wever. Un di e prioridadnan di e secretario di estado ta e tema di siguridad di cuminda. Pa esaki gabinete a pone 24 miyon euro disponibel pa medio di un fondo continuo cu mester wordo crea ainda. Na Aruba pa e motibu ey tin riba programa, un bishita na AGRI Innovation Park. E iniciativa aki ta enfoca riba desaroyo agricola duradero y siguridad di cuminda. Den oranan di atardi,  e secretario di estado ta bishita diferente sitio riba e isla, entre otro San Nicolas i Palm Beach. Na final di e dia, señor Van Marum ta biaha pa Corsou.