- Wever: Automobilistanan lo ricibi nan plachinan di number den e proximo dianan
- Hall of Famer Andruw Jones a bishita minister Eman y Croes na Aruba
- Encuesta di Noticiacla riba percepcion di Aruba su carnaval
- ANALISIS: Dia di San Valentino: Amor berdadero of un trampa comercial?
- Polis a detene apenas 2 persona durante parada di luz na San Nicolas
DVG: Cuida bo salud durante dia di calor intenso na Aruba
ORANJESTAD - Den bista di e ola di calor cu ta afectando Aruba actualmente, Departamento di Salud Publico (DVG) ta haci yamado na tur residente y bishitante pa tuma medidanan preventivo pa proteha nan mes y nan salud.
Calor extremo por trece riesgo serio pa salud, especialmente pa e grupo vulnerabel manera mayornan di edad, mucha chikito, hende cu malesa cronico y esnan cu ta traha pafo. Calor por ocaciona cansancio, golpi di calor (heatstroke), deshidratacion y empeoracion di malesanan cronico existente.
Consehonan util pa protehe bo mes durante dianan di calor:
1. Bebe hopi awa
o Mantene bo curpa hidrata: bebe awa regularmente, apesar cu bo no tin sed.
o Evita alcohol, coffie y refresco cu hopi sucu, nan por causa deshidratacion.
2. Mantene bo mes fresco
o Keda paden durante e oranan di mas solo (11:00 AM – 3:00 PM).
o Usa ventilacion (ven) of airco si ta disponibel.
o Tuma douche friu pa baha temperatura di bo curpa.
3. Bisti paña color cla y liviano
o Usa paña hancho, di color cla, y di tela liviano.
o Usa pechi of sombre
o Usa bril di solo ora bo ta sali pafo.
4. Proteha bo cuero
o Usa sunblock (SPF 30 of mas halto) y ripiti e aplicacion cada dos ora.
5. Tira bista riba hende vulnerabel
o Haci contacto regular cu mayornan di edad, bisiña y famia cu malesa.
o NUNCA laga mucha, hende of mascota den auto cera, ni pa un rato cortico.
6. Limita esfuersonan fisico
o Evita haci trabounan fisico durante e ora di mas calor.
o Si ta necesario, tuma pausa frecuentemente den sombra y bebe awa constantemente.
o Evita deportenan pafo durante oranan di mas calor
Sintomanan di malestar relacional cu calor:
• Cansancio extremo pa motibo di calor: soda hopi, cuero ta cayente, mareo, stoma ta bira, dolor di cabez.
• Golpi di calor (Emergencia): temperature cu cuero halto, desorientacion, perdida di conocimiento, cuero seco sin sodo.
o Den caso di sospecha di golpe di calor, yama 911 mesora.
Keda informa
Sigui e boletinan di tempo y informacion oficial via canalnan di gobierno of Departamento di Salud Publico. Nos ta pidi na tur hende pa cuida nan mes y otro. Cu medidanan preventivo nos por preveni hopi problema y pasa e temporada di calor den manera sigur.
Pa mas informacion like nos Facebook page Directie Volksgezondheid DVG Aruba, Follow nos riba Instagram directie_volksgezondheid_aruba, subi nos website www.dvg.aw, yama nos na 5224200 of mail nos na [email protected]
Encuesta di Noticiacla riba percepcion di Aruba su carnaval
ORANJESTAD – Cu Aruba drentando ultimo final carnavalesco, noticiacla ta presenta un encuesta riba e tema di carnaval, pa midi e impression di carnaval di awor, prome y pa futuro. Manera ta custumber, e encuesta su meta ta unicamente pa finann periodistico. E informacion ta confidencial y no ta wordo comparti. Pa bo participa, bo mester click AKI.
ANALISIS: Dia di San Valentino: Amor berdadero of un trampa comercial?
Carnaval drentando su ultimo fin di siman: Alegria grandi, pero tambe cu preocupacion
ORANJESTAD - Aruba ta drentando su ultimo fin di siman di carnaval. Un temporada cortico, yena cu alegria, color i orguyo cultural . Pero tambe e tabata yena cu reto logistico, momento di tension y algun incidente. E comunidad a mustra, den gran parti, un comportacion responsable durante e eventonan — primordialmente riba caminda — pero un aspecto a sobresali: e nivel di buracheria di automobilistanan despues di e eventonan.
Paskel: DIMAS no tin control riba prueba medico obligatorio pa permiso di trabou!
ANALISIS: Carnaval di Aruba: Nos ta normalisa conflicto a costo di calidad?
Aruba kier moderniza proceso di inmigracion na aeropuerto mas
ORANJESTAD – Aruba ta investigando hunto cu e compania di technologia SITA (Société Internationale de Télécommunications Aéronautiques of International Society of Aeronautical Telecommunications). e posibilidadnan pa modernisa e proceso di inmigracion na Queen Beatrix International Airport mas ainda. Esaki a tuma lugar durante un bishita di un delegacion di SITA na aeropuerto. Durante e bishita, a discuti solucionnan technico cu por contribui na un control di frontera mas rapido y eficiente, incluyendo e sistema Advanced Passenger Information (API) y uso di puesto di control automatisa y aplicacion biometrico. Representante di SITA a duna un splicacion di experencianan internacional cu sistema asina riba otro aeropuertonan y a enfatisá cu aplicacion semper ta tuma lugar dentro di ley vigente y cu atencion pa proteccion di privacidad.
Follow NoticiaCla
