- KPA: Persona deteni cu pistool y sentencia hopi lihe
- KLM tin e tripulacion di vuelo mas caro na mundo
- Gobierno di Hulanda ta bai apela contra desicion di clima pa Bonaire
- Foro Siguridad sin frontera: Colaboracion ta decisivo contra menasa moderno
- Grand slam historico di Xander Bogaerts di Aruba ta duna Padres victoria
Bestfly tin como meta pa lansa servisio programa entre Islanan ABC
ORANJESTAD / WILLEMSTAD – Airline Bestfly Aviation kier desaroya un servicio regional entre Aruba, Bonaire, y Curaçao. Asina e portal aruba.nu ta raporta diamars. E siman aki, e compania a registra un avion Embraer cu lo opera entre e tres islanan bou di un licencia di piloto comercial. Segun abogado di aviacion y columnista Lincoln D. Gomez, e infrastructura necesario ta disponibel caba riba Aruba. Bestfly tin un base operashonal di mas cu 1.000 meter cuadra, un team local, y experencia den mantencion di avionnan regional manera e Embraer E190 i e ATR 72-600. “Loke ta nesesario awor ta sosten continuo di e autoridadnan di aviacion riba e islanan, e aeropuertonan, y e ministernan concerni,” Gomez ta scirbi. E ta menciona specificamente Minister di Transporte di Aruba Wendrick Cicilia, kende recientemente a papia riba e importancia di mehoracion di accesibilidad.
E SERVICIO
Cu e servicio programa nobo, Bestfly tin como meta pa fortalece e coneccionnan entre e islanan. E meta ta pa bula mas frecuente y haci biahe mas facil y ohala, mas pagabel. Accesibilidad regional na Islanan ABC ta bou di discucion pa añanan caba, parcialmente debi na prijs halto di pasashi y disponibilidad limita. E plannan di Bestfly ta cuadra cu yamadanan anterior di negoshinan y organisacionnan di sociedad civil pa haci biahe entre e islanan mas accesibel pa ciudadanonan, studiantenan i empresarionan.
ACTIVO
Bestfly ta activo na Aruba pa varios aña caba y ta opera buelonan charter mundialmente pa comerciantenan, celebridadnan, y gobiernonan. E compania tambe ta ofrece buelonan medico. Segun Gomez, bou di liderazgo di Nuno y Alcinda Pereira, e compania a crece bira un actor internacional confiabel den aviacion priva. Si e servicio programa regional realmente bira realidad, ta depende di e boluntad di autoridadnan riba Aruba, Boneiru, y Corsou pa sostene e iniciativa activamente. Si Aruba no brinda sosten structural, e iniciadornan no ta descarta cu e vuelonan lo wordo opera for di Bonaire of Curaçao.
Foro Siguridad sin frontera: Colaboracion ta decisivo contra menasa moderno
ORANJESTAD - E foro internacional “Security without Borders” a reuni expertonan di diferente pais na Aruba pa discuti temanan actual den seguridad, manera seguridad cibernetico, inteligencia artificial y innovacion den proteccion di organisacionnan. Durante e evento, a pone enfasis riba e importancia di colaboracion internacional y intercambio di informacion pa enfrenta menasanan moderno, specialmente den un mundo unda crimen organisa y riesgo digital ta bira mas complejo.
Aerolineas Argentinas ta ofrece buelo barata pa Aruba pa mercado argentino
BUENOS AIRES - Aerolíneas Argentinas a lansa un promocion cu ta permiti hende bula pa Aruba pa menos di un miyon peso argentino. E oferta ta inclui buelonan directo ida y bini for di Argentina pa mas o menos $649 dollar, cu maleta di man inclui y opcion pa paga den te 12 cuota sin interes. Cu e prijs actual di dollar, e pasashi ta baha di 920 mil peso, convirtiendo esey den un opcion atractivo pa un destino internacional di beach. Promocion ta valido te 12 di april y pa biahenan te 30 di juni 2026.
Lotto: Awe abo por ta e siguiente miyonario di Aruba!
A.T.A. ta inverti fondo di turismo pa reforsa siguridad den centro di Oranjestad
ORANJESTAD - Aruba Tourism Authority (A.T.A.) ta reforza siguridad den centro di Oranjestad mediante implementacion di un sistema nobo cu camara di vigilancia y speaker publico. E iniciativa ta enfoca riba prevencion di incidente, reaccion mas rapido den situacion critico y comunicacion mas efectivo cu publico. E comunicado no ta bisa cuanto placa ATA lo ta invertiendo den e proyecto aki.
Wingo ta lansa ruta temporal entre Aruba y Barranquilla
ORANJESTAD – Aruba lo tin un conexion aereo directo cu Barranquilla dor di un ruta temporal nobo opera pa Wingo. Asina aeropuerto di Aruba a confirma diahuebs mainta. E ruta lo conecta Aruba cu Colombia via Aeropuerto Internacional Ernesto Cortissoz.
Aruba cla pa conoce su di dos miyonario di 2026 cu Lotto
Follow NoticiaCla
