• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

Max Verstappen ta keda vago riba su futuro, pero parce di ta keda cu Red Bull

SPA - E lo ta Mercedes? E lo keda ku Red Bull Racing? Tabata un coinsidencia cu e director di e team di Mercedes Toto Wolff tambe tabata na Sardinia? Y con ta cu e contakto cu su director nobo di team Laurent Mekies? Tabatin hopi pregunta pa Max Verstappen na Spa-Francorchamps. No tokante e di diestres Gran Premio di e temporada, pero tocante e futuro di e miho coredo di mundo.

Tabatin un interes grandi pa e rueda di prensa di Max Verstappen. 

UN ROSEA DI AIRE FRESCO

“E maneho di Red Bull y e personanan cu ta dirigi e team ta dicidi kico ta bon y kico no”, Verstappen a bisa riba e salida abrupto di Horner, e ex director di e team dos siman pasa. “Mi ta djis e coredor. Nan ta dicidi cu mester di un direccion nobo y un rosea di aire fresco. Esey ta nan trabou y nan derecho. Si nan ta kere cu esaki ta e caminda pa cana? E ora ei nos lo haci’e.”

E noticia no a bin como sorpresa pa Verstappen. “Mi a tende esaki mei dia prome cu el a sali. Esey ta parce logico pa mi. Procedura standard. Naturalmente, nos a papia di dje extensivamente. E no ta un mensahe cu a djis wordo publica, pero mi no ta bai den detaye tocante kico a wordo bisa.” “Esaki ta cosnan cu por pasa”, Verstappen a bisa riba e salida forsa di e lider di team cu kende el a gana su titulonan. “Naturalmente, mi ta wak bek riba hopi temporada exitoso. Nunka lo mi lubida e dies of 11 añanan cu mi a traha cu Christian, pero e último aña y mei no tabata asina bon.” Verstappen a tene esaki cortico. E ta considera e asunto di Horner un cos di pasado. “Mi kier wak dilanti. No tin sentido pa wak patras. E no ta hasi bo mas lihé.”

No opstante, ainda tin un tiki intrankilidad den e cas di su team. Pa prome biaha den binti aña, e gran lider ta bisto pa su ausensia. “E ambiente ta bon”, Verstappen ta contraresta un pregunta riba e estado di animo awor cu e lider a wordo retira. “Naturalmente, ta tuma algun tempo pa custuma, pero e dia despues di e anuncio, mi tabata na e fabrica y a drenta den e simulado.”

Ta business as usual na Red Bull Racing, e campeon ta enfatisa. “Nos ta trahando duro pa haci e auto miho y mas lihe. Y pa sigura cu nos ta presta miho e siguiente temporada. Ta esei nos ta wordo paga p’e. Christian a bay,  pero tog mi ta considera e team aki mi di dos famia.”

Verstappen ta sigura cu e salida di Horner no tin nada di haber cu si e lo keda na Red Bull of pasa pa e Mercedes cu ta coquetea. “E salida di Christian lo no afecta  mi desicion.” No obstante, e ta keda vago tocante su futuro. “Tin chens cu bo no ta core pa Red Bull Racing otro aña? Bo tin opcionnan otro caminda?” Verstappen a contesta e preguntanan clave cu un kinipi di wowo grandi.

“Tambe tin chens ku mi no ta lanta foi soño mañan” e la bisa sarcasticamente.  “Mi no ta bai niun caminda at all. Bida ta impredesibel.” Despues e ta agrega frasenan cu ta duna e impresion cu e ta bay honra y wak su contrato. “Mi ta hopi contento y contento aki. Ora nos a extende te cu 2028, e meta tabata pa keda aki te na final di mi karera den Formula 1.”

I kico nos mester pensa di tur e rumornan ey tocante negosiacionnan avansa cu e hefe di e team di Mercedes, Toto Wolff? I e potretnan riba medionan social? “Mi no ta preocupa. Mi tabata den den laman, disfrutando di un vacantie cu amigonan y famia. Cu otronan tabata einan na mes momento? E ta sosode. Tabatin mas hende na Sardinia cu ami cu Toto”.

Articulo reproduci for di NOS