Companianan na Aruba ta scogiendo mas pa un structura VBA, envez di un N.V.

ORANJESTAD – Companianan ta scohe mas y mas pa un structura di Venootschap met Beperkte Aansprakelijkheid (VBA), envez di un naamloze vennootschap (NV) cu antes tabata mas usual. Asina a bira conoci den e relato di minister di economia Geoffrey Wever. E diferencia entre un VBA ta nifica cu e accionistanan no ta responsabel mas aya di e capital cu nan a inverti den e VBA y pa cua nan a ricibi accion. Den un sosiedad anonimo (NV), e accionistanan no ta personalmente responsabel pa e debenan di e compania, pero mester inverti un minimo capital. 

402 PERMISO DEN 6 LUNA 

Aki e la raporta tambe cu gobierno a duna 402 permiso pa negoshi nobo den e prome 6 lunanan di 2025. Den e periodo di april te cu juni 2025 a ricibi 634 diferente tipo di peticion. Di e 634 peticion ricibi, 245 peticion a wordo trata y e permiso relevante otorga, 234 peticion ta den tramite, 155 peticion no por a wordo trata pa falta di documento y of pago.

A OTORGA 201 PERMISO NOBO

Di e 634 peticion ricibi y e permiso relevante otorga, 201 ta peticion pa permiso nobo den e periodo di mei te cu juni 2025. Di e 201 permiso di negoshi nobo otorga, 27 tawata pa e eenmanszaak, 30 pa filiaal, 139 pa VBA, 3 pa NV y 2 pa un vennoot di un VOF. E tipo di actividad comercial pa cual mas permiso nobo a wordo otorga ta actividadnan di Real Estate, houdstermaaschappij, compania di construction, restaurant y otro tipo di local  pa come , kapsalon y salon di beyesa. Pa e prome 6 lunanan di 2025 un total di 402 permiso pa negoshi nobo a wordo duna.