Na Hulanda mordi di cacho ta causa number 1 di accidente na pia di trabou

AMSTERDAM - Companianan di entrega na Hulanda ta tumando medidanan pa prevení mordemento di cacho bou di chaufeurnan di entrega di pakete. Tur aña, tin mas cu 300 incidente di mordemento. Na DHL, e ta hasta e accidente na trabou mas comun. Na Aruba, esaki ta mescos pero cu partido di carta. 

CACHONAN TA BLAF

Chauffeurnan di entrega regularmente ta topa cacho cu ta blaf riba nan den hardin of ora e porta dilanti habri. Normalmente, nada no ta pasa. Tog, averahe, chauffeurnan di entrega ta wordo morde mas cu seis biaha pa siman.

SERIO

Un di e chauffeurnan di entrega ei ta Alex, kende ta traha pa DHL. Na fin di april, e la entrega un pakete. “Mi tabata sa cu tabatin un cacho einan, pues mi a bati e bel di porta pafo di e porta.” Mientras cu e tabata entregando e paki over di e hekwerk na e habitante, e cacho a aparece diripiente. “E la bin core pasa banda di dje,y a morde mi den mi barica. I e la keda einan.” E doño finalmente a logra habri e boca. “Mi a cai patras y mi barica tabata habrí. Pues esei tabata basta intenso, sí.”