FTM: Tankeronan ruso ta evita regimen di sancion usando Aruba, Corsou y St Maarten

DEN HAAG – Algun miembro di Tweede Kamer kier sa di gobierno hulandes si nan ta na altura cu nan ta na altura cu varios tankero cu bandera ruso ta evitando regimen di sanccion bou di bandera di islanan CAS, esta Corsou, Aruba y of St Maarten. E preguntanan ta surgi di un articulo di e portal Hulandes Follow the Money di dia 20 di juli ultimo. Aki ta poni cu autoridadnan occidental ta fayando pa frena exportacion di petroleo for di Rusia y Iran. Usando un “flota di sombra” di tankero, nan ta evita e regimen di sanccion— y mas i mas, literalmente, bou di banderanan falso. Por ehempel, investigacion di Follow the Money ta revela cu Hulanda ta mira impotentemente con nobenta tankero ta desplega e tricolor di Aruba, Curaçao, of Sint Maarten. E miembronan di Tweede Kamer Jan Paternotte (D66) y Derk Boswijk (CDA) a manda por lo menos 9 pregunta pa minister Veldkamp riba e tema. 

NAVEGA

Segun e portal, por lo menos nobenta tankero di zeta ta nabega bou di e bandera di Sint Maarten, Aruba, of Corsou—islanan cu ta forma parti di Reino Hulandes y no tin nan propio registro di barco. E mayoria di e tankeronan aki cu bandera falso ta parti di e “flota di sombra” cu Iran i Rusia ta usa pa evita sanccionnan riba exportacion di zeta y gas. Hopi biaha e doñonan tabata haya e registracion falso pa medio di Maritime Safety & Technical Administration (MSTA). Segun e portal, tankeronan sin registracion balido den un estado di bandera reconose, ta efectivamente sin estado. Nan no por ta sigura y ta cai pafo di cuadro regulatorio internacional. Esaki ta aumenta e riesgo di accidente cu daño serio na medio ambiente. Door cu Sint Maarten, Aruba y Curaçao ta forma parti di Reino Hulandes, e bandera falso indirectamente ta daña nomber di Hulanda.

“E fraude di bandera a sali na cla durante nos investigacion riba evacion di sancion: den e ultimo lunanan, un cantidad impresionante di tankero a cambia pa un bandera di Antia Hulandes. Door di compara diferente registro di barco y lista di sancion, nos a haya un bista riba e rol clave di MSTA. Lesa e articulo original AKI.