E cantante principal di Coldplay awor ta adverti e publico: ‘Boso ta wordo filma’

BOSTON - Na nan prome concierto desde cu un video di un pareha cu a wordo atrapá teniendo relashon a bira viral, e banda britanico Coldplay a adverti e publico di antemano cu nan por wordo filma.

“Nos ke saluda algun di boso den e publico,” e cantante principal di Coldplay Chris Martin a bisa. “Nos ta hacie cu nos camaranan, poniendo algun di boso riba pantaya grandi. Pues si boso no a haci boso makiyahe ainda, hacie awor.”

Algun dia prome, Andy Byron, CEO di e compania di dato Astronomer, y Kristin Cabot, hefe di recurso humano na e mesun compania, a bira titular. Nan a aparece hunto intimamente riba pantaya grandi dilanti di decenas di miles di fanatico. Ora nan a realisc cu nan tabata riba camara, nan a baha lihe y a tapa nan cara cu nan mannan. Martin despues a broma: “Sea nan ta teniendo un relacion prohibi, of nan ta djis realmente timido.” Poco despues, a bira cla cu tur dos tabata casa (cu otro hende) y tabatin un relacion ‘prohibi’.