Polis di New York deteni pa a horta cen, y use pa e.o. biaha pa Aruba

NEW YORK – Un oficial di e Departamento di Polis di ciudad di New York a keda aresta diarason 16 di juli riba un cantidad di acusacionnan di delito asocia cu ladronicia y gastamento di fondonan di cliente cu e la accesa mientras e tabata traha na un institucion financiero. E placa horta, e la usa e.o. pa biaha pa Aruba. Ta trata di un oficial di NYPD di 27 aña di edad, Yeison Rodriguez Acosta, cu a keda acusa e siman aki den un keho di 30 caso, acusa di a gasta fondo for di clientenan horta di Wells, y Fargo gastando e cen den compranan y biahenan extrabagante.

Ta wordo alega cu Rodriguez Acosta a usa e mas cu $80,000 di fondonan horta pa cuentanan di tarheta di credito personal/otronan, pa pagonan di BMW, pa un suskripshon na e e miho programa di construccion di glute di mundo’ yama Booty By Jacks, un biahe pa Aruba, un estadia na Airbnb, cuminda den restaurant, seguro di GEICO, y mas.