Secrets Hotel Baby Beach un luna habri, tin nan cambernan 60% segun politiconan

SAN NICOLAS - Secrets Hotel Baby Beach despues di ta habri pa un luna, ya ta na 60% di ocupacion. Por lo menos, asina e fraccion di MEP ta relata riba nan pagina di Facebook, despues di un bishita cu nan a haci na e hotel. Durante e bishita, nan a haya datonan interesante cu nan a comparti. Asina tambe nan ta bisa cu 90% di e personal ta local, y ta biba pariba di brug. 

HUUR AUTO Y BISHITA LUGAR

Mientras cu e hotel ta all inclusive, mas di 50% di e bishitantenan ta huur auto y ta sali bishita otro lugarnan, mientras cu otro paisnan, esaki ta apenas 10%. E resto di bishitante ta usa taxi. Segun e fraccion, nan a papia cu varios trahado, cu lo ta contento. Noticiacla mes no por a verifica e informacion independientemente.