Gabinete AVP- FUTURO kier planta 100.000 mata rond Aruba den 4 aña

ORANJESTAD - Diahuebs atardi, Gabinete AVP-FUTURO a lansa e plan ambicioso pa planta 100.000 mata rond di nos isla, durante un ceremonia special di apertura pa e Programa di Refortestacion di Aruba. E evento a trece 27 organisacion no-gubernamental (NGO’s) cu a uni na e mesun meta: restaura nos habitat natural, yuda proteha nos hendenan contra e calor, y crea mas sombra tur rond di Aruba.

100 MIL DEN 4 AÑA

Durante e ceremonia, Francielle Laclé, un lider hoben y ‘consehero di politica ambiental pa Ministerio di Naturalesa’, a enfatisa cu den cuater aña, kier logra planta cien mil mata. Esaki por logra si tur hende traha hunto. Mester di cooperacion y compromiso di tur sector pa logra un Aruba mas berde.

PROYECTO COLECTIVO

E proyecto ta un esfuerso colectivo entre organisacionnan ambiental, scolnan, sector priva, turismo, comercio y mucha mas. Den e prome sesion cu stakeholders, a establece e siguiente paso: formacion di un “stuurgroep” cu lo guia e proceso, y tambe un klankbord pa duna espacio na mas organisacion pa duna input, comparti idea y forma parti di e proyecto.

E Programa di Refortestacion ta mas cu solamente planta mata – ta un movimiento pa un Aruba mas fresco, mas verde y mas unido.