CAFt: Inverti gran parti di fondo presupuesta pa proyecto, den RWZI den 2025

ORANJESTAD – E colegio di supervision CAFt ta sugeri pa Aruba inverti (gran) parti di e placa presupuesta pa inverti den 2025, den e planta di purificacion di awa, osea e planta di RZWI. Segun CAFt den e conseho riba e raportahe di prome cuartal 2025, ta mira cu Aruba a presupuesta 71 miyon florin na inversion. Pero den e prome cuartal, Aruba a inverti apenas 0.2 miyon di e suma aki. Y esaki kier men cu no tur inversion planea lo wordo realisa den 2025. 

SCARSEDAD DEN SECTOR CONSTRUCCION

Un di e problemanan ta e scarsedad den e sector di construccion, komo resultado di crecemento economico continuo, cu ta causando retraso den e proceduranan di destaho pa proyectonan di inversion. CAft ta conseha Aruba pa desaroya un agenda di inversion di varios aña alinea cu e prioridadnan di politica y capacidad di ehecucion di e pais. Esaki mester inkluí substansiá invershonnan i evaluá nan faktibilidat. Actualmente no ta cla cua ta e proyectonan di inversion cu lo wordo ehecuta dentro di e presupuesta di AWG 71 miyon.

INVERTI DEN RWZI 

CAft ta anticipa cu no por realisa tur inversion presupuesta e aña aki. Den liña ku su konseho anterior riba e planta di tratamento di awa sushi (RWZI), CAft ta pone enfasis riba e posibilidad pa Aruba (parcialmente) uza e capacidad di e suma pa inversionnan plania den e RWZI. Door di aloca e fondonan na un proyecto specífico, e presion riba implementacion por ta mas dirigí y potencialmente miho maneha.