A ground avion di Surinam FlyAllWays na Boneiro

KRALENDIJK – Inspeccion di Medio Ambiente y Transporte (ILT) a detene un avion cu ta pertenece na e compania di aviacion di Surinam FlyAllWays na Aeropuerto di Boneiro diahuebs. E accion di ILT a bini despues cu e avion, un Fokker 70, a haci un parada tecnico riba Boneiro pa yena combustibel. E avion tabata na caminda for di e capital Cubano, Havana, pa Paramaribo.

Aunke fuentenan denter di Aeropuerto Internacional di Boneiro (BIA) a confirma e noticia na ABC Online Media ora a puntr’e, nan por a duna poco detaye mas. E pasaheronan a wordo permiti pa baha, escolta pa Koninklijke Hulanda Marechaussee. Segun informe, e prohibicion di mas buelo ta relaciona cu e prohibicion di aterisahe impone pa paisnan di Union Europeo riba tur avion registra na Surinam, debi na preocupacionnan riba e supervision di seguridad operacional den e pais.

AVIONNAN ALTERNATIVO

FlyAlways awor lo mester regla transporte alternativo pa transporta pasaheronan pa nan destinacion final. Esaki lo mester wordo haci door di un avion cu no ta registra na Surinam.