- Rutten ta laga su puesto como entrenador di seleccion di Corsou
- Aruba Birdlife Conservation cu caso contra destruccion di naturaleza pa UTV y ATV
- JetBlue ta aumenta buelonan pa Aruba despues di salida di Spirit
- Rekenkamer: Aruba ta informa Hulanda mihor cu su mes Parlamento
- Prome minister hulandes Jetten rumbo pa Aruba durante biahe den Reino
Mike Eman a propone Rene Herde como minister di energia cerca Gobernador
ORANJESTAD – Mike Eman a propone Rene Herde como minister di energia cerca Gobernador. Esaki oficialmente a tuma lugar ayera caba, pero manera cu noticiacla a raporta anteriormente, Eman a haye den problema internamente cu partido, ya cu un grupo no a gusta e decision. A tene yen di reunion, y awe mainta cos a regla atrobe. Pues aworaki partido tambe ta ok cu e nombracion, y e proceso pa nombra Herde como minister, ta continua. Y awe merdia ta huramenta sr Herde na Cas Ceremonial.
COS A BAY FOUT FOR DI COMIENSO
Despues cu inicialmente ayera mainta cos a hera bay ‘fout’, unda cu Prome minister Mike Eman no por a convence su partido completo pa Rene Herde reemplaza Mike de Meza como minister, algun ora despues, Eman a propone candidato Rene ‘Baba’ Herde na Gobernador Boekhoudt pa reemplasa candidato Mike de Meza pa bira minister di energia y infrastructura. Manera ta conoci tur diamars e prome minister tin audiencia cu gobernador. Ayera tabata e caso atrobe, unda cu manera por a spera, e la presenta e number nobo pa minister, mirando cu e candidato inicial, Mike de Meza, no por bira minister debi cu e ta un sospechoso di ley. Solamente, cu e no por a haci esaki publico ainda, debi na e problemanan ya menciona. No ta conoci awor, kico ta pasa cu e candidato pa bira minister plenipotenciario, mirando cu esaki tabata poni pa bira Herde mes. Noticia den proceso.
Prome minister hulandes Jetten rumbo pa Aruba durante biahe den Reino
DEN HAAG – Prome minister Rob Jetten ta bishitando e parti Caribe di Reino Hulandes for di 8 te cu 14 di mei, unda cu Aruba ta hunga un rol importante den e ultimo parti di e biahe. Ta e prome bishita oficial di Jetten na region como prome minister.
Premier Mike Eman den representacion di Reino Hulandes a reuni cu presidente electo di Costa Rica,
SAN JOSE - Prome Minister Mike Eman ta na Costa Rica pa representa Reino Hulandes durante e ceremonia oficial di instalacion di presidente electo Laura Fernández Delgado.
Wyatt-Ras: Aruba ta fortalece servicio di revalidacion y cuido di apoyo
ORANJESTAD - Directie Volksgezondheid (DVG), den colaboracion cu Pan American Health Organization (PAHO/WHO), a organiza un workshop nacional enfoca riba fortalecemento di revalidacion y medionan di apoyo na Aruba.
Wever: Voorjaarsnota 2026 ta enfoca riba proteha economia y poder di compra
ORANJESTAD - Minister di Finansa Geoffrey Wever a entrega e Voorjaarsnota 2026 na Parlamento, incluyendo e prome cambio di presupuesto pa 2026.
PPA ta pidi inversion urgente den EPB: “Beroepsonderwijs no por keda atras”
ORANJESTAD - Durante un bishita na EPB Hato, parlamentario Eduard Pieters a haci un yamada urgente pa mas inversion den beroepsonderwijs na Aruba. Segun dje, Aruba no por papia di crecemento economico mientras scolnan practico manera EPB ta sigui deteriora.
Gobierno ta warda sentencia den caso di e-step mientras Dowers ta para firme
ORANJESTAD - E debate riba e uso di electric bicycle, e-step y e-scooter riba camindanan publico ta drentra den un fase decisivo,awor cu gobierno y operadonan comercial ta warda cu atencion e sentencia di corte den e caso sumario cu lo wordo trata diabierna 8 di mei proximo. Asina e mandatario di husticia Arthur Dowers a informa diahuebs.
Follow NoticiaCla
