Seleccion di Pony 8U ta cla pa torneo na Merca

MIAMI – Jaitoine Kelly, un prospecto di pitcheo di 18 aña di organizacion di Arizona Diamondbacks, a haci historia diasabra durante e World Baseball Classic. E lanzador di Aruba a bira e pitcheador mas hoben cu a cuminsa un partido den historia di e torneo. E lanzador di man drechi a cuminsa e partido pa Reino di Hulanda, cu tabata dirigi pa Andruw Jones, contra Nicaragua, equipo cu tabata dirigi pa Dusty Baker, den ciudad di Miami. Kelly a tene un bon presentacion den su debut. E la tira dos entrada sin permiti careda, concediendo solamente un hit y ponchando tres bateador, cu su fastball alcanzando velocidad den mid-90 miya pa ora. “Sigur ta un gran orguyo. Mi ta representa mi pais y mi isla, y ta bay un gran experencia pa mi prome bez,” Kelly a bisa reporternan un dia promer cu e partido. Kelly ta uno di tres prospectonan di Diamondbacks cu ta hunga pa Reino di Hulanda den e torneo. E otro dos ta outfieldernan Druw Jones y Jakey Josepha.

MIAMI – Republica Dominicana a mustra su poder ofensivo y a gana claramento contra Hulanda cu score di 12-1 den un partido di World Baseball Classic 2026 huga na loanDepot Park diadumingo merdia. E equipo dominicano a construi su victoria poco poco, cu varios hit decisivo y tres home run importante durante e encuentro.

MIAMI - Hulanda a logra un buelta spectacular den e ultimo inning pa gana Nicaragua cu score 4-3 den un partido emocionante hunga na  Loan Depot Parkna Miami den e World Baseball Classic 2026. Despues di bay atras den e octavo inning, Hulanda a dicidi e encuentro cu un home run decisivo den e nobeno inning.

MIAMI -  Venezuela a logra un victoria di 6-2 contra Hulanda den e World Baseball Classic 2026 diabierna atardi.  Venezuela a cuminsa fuerte, habriendo e marcador caba den e prome inning cu un carrera. Den e di dos inning nan a agrega otro, poniendo e score 2-1 despues cu Hulanda a logra empata temporariamente. E momento decisivo di e partido a yega den e di cinco inning, ora Venezuela a anota cuatro carrera, creando un ventaha grandi cu Hulanda no por a recupera.

MELBOURNE – Charles Leclerc a registra e tempo mas rapido durante e prome entrenamiento di e temporada nobo di Formula 1 diabierna ora di Australia. Max Verstappen a marca e di tres tempo na Melbourne.

MIAMI.- Awe Selekshon di Reino ta kuminsá ku nan partisipashon den World Baseball Classic (WBC). Esaki ora nan enfrentá e ekipo fuerte di Venezuela. Ayera den e programa Den Kayente di Wega, ‘coach’ di picheo, Jair Jurrjens, a revelá ken lo ta e habridó di awe pa Selekshon di Reino.