Aeropuerto di Guyana y di Aruba trahando riba partnership nobo

ORANJESTAD - Ramesh Ghir, Director Ehecutivo di Cheddi Jagan International Airport (CJIA), Aeropuerto di Guyana, recientemente a conclui un bishita na Aruba, unda el a topa cu Angeline Flemming y otro ehecutivonan clave di Aruba Airport Authority (AAA). E discusionan di nivel halto a enfoca riba explora oportunidadnan colaborativo pa mehora desaroyo di servicio aereo y mercadeo di destinacion conhunto, un komunikado di CJIA a bisa.

E enfoke central di e discusionnan tabata e desaroyo di servisionan aéreo entre e dos lokalidadnan. Ambos partido a compromete na un asercamento colaborativo cu lo facilita e intercambio di informacion vital y miho practicanan, e comunikado a bisa.

E iniciativa aki tin como meta pa sostene companianan di aviacion den nan procesonan di tumamento di desicion strategico pa expancion di rutanan, capitalisando finalmente riba e reputacion di Aruba como un destinacion turistico di prome luga cu playanan exisito y e prominencia cresiente di Guyana den turismo eco-aventura, cu ta conoci pa su flora y fauna abundante.