- Eman no a logra convence partido ‘ainda’ pa Rene Herde reemplasa de Meza
- Arubaconus hieroglyphus ta un cocolishi endemico di lama
- Prijs di gasoline, diesel y kerosin ta subi basta diaranson awor
- Awe nochi Lotto ta laga bo bira miyonario di 1.5 miyon florin!
- E cantidad di morto pa motibo di inundacion di Texas a pasa 100
Avion ta hasi aterisahe di emergencia despues cu pasahero a orina den pasiyo di avion
BIRMINGHAM – Un avion di easyJet cu a sali for di Birmingham pa Tenerife diarason a hasi un aterisahe di emergencia despues cu un pasahero segun informe a orina den e pasiyo, The Mirror ta informá. Caos a surgi abordo di e vuelo pa Tenerife. Despues cu un pasahero a orina den e pasiyo, segun informe miembronan di tripulacion a roga control di trafico aereo pa permiti nan haci un aterisahe di emergencia. Tambe nan a pidi asistencia medico y agentenan policial pa escolta e pasahero for di e avion.
Controladornan di trafico aereo a percura pa e avion por a baha mas liher posibel. Ta kere cu e incidente a sosode na final di e buelo. No ta conoci dicon e pasahero a dicidi di usa e pasiyo como wc. Segun easyJet, e pasahero a wordo castiga pa e acto. No ta conoci kico e castigo lo ta.
E cantidad di morto pa motibo di inundacion di Texas a pasa 100
TEXAS - E cantidad di morto pa motibo di inundacion severo den e estado Mericano di Texas a subi na 104. Mientrastanto, e buskeda di personanan desapareci ainda ta andando. Entre e mortonan tin participantenan na un campamento di zomer pa mucha muhe canto di e riu. E organisacion, Camp Mystic, a anuncia ayera cu 27 participante i supervisor a fayece. En total, alrededor di 750 mucha muhe a asisti na e campamento. E inundacion a cuminsa prome cu solo sali diabierna. Hendenan tabata drumí ainda den cas, tent y caravan canto di Riu Guadalupe ora nan a wordo lastra bay door di awa. Dianan despues, colchon, frishider awor ta benta canto di e riu. Ekiponan di reskate a salba por lo menos 850 persona den e ultimo dianan. Algun a keda pega den matanan riba awa.
Por lo menos 80 morto na Texas debi na inundacion catastrofico na Texas
SAN ANTONIO - Por lo menos 80 persona ta morto despues cu yobida pisa a conduci na inundacionnan “catastrofico” na Texas. Por lo ménos 41 persona tabata pèrdí den henter e estado te cu diadumingo atardi laat, ofisialnan a bisa. Kerr County a wordo afecta mas duro, cu 68 morto, incluyendo 28 mucha. Presidente Donald Trump a firma un declaracion di calamidad pa e condado y e Agensia Federal di Maneho di Emergensia ta riba e tereno einan.
Elon Musk kier lanta partido politico nobo na Merca y enfoca riba e asientonan di Congreso prome
WASHINGTON -Elon Musk kier haña influencia den congreso prome cu su Partido America cu ainda no a wordo establese. E no kier enfoca riba Cas Blanco por lo pronto, e ta bisa den un X-update modesto tocante su plannan.
Hungado di Liverpool Diogo Jota (28) ta fayece den accidente di tráfiko na Spaña
ZAMORA - E delantero di Liverpool, Diogo Jota, a fayece den un accidente di trafico den e provincia Spaño di Zamora. E hungador portugues di 28 aña y su ruman homber André Silva, un futbolista profesional di e club di segunda division Penafiel, a baha for di caminda y nan auto a pega candela.
Artista Sean ‘Diddy’ Combs absolve di mayoria cargonan contra dje
NEW YORK – Artista Sean Diddy Combs diaranson a keda absolve di mayoria cargonan contra dje den corte, y keda sentencia 'solamente' pa cargo di prostitucion. Esaki ta inclui violacion sexual contra su propio ex pareha. Noticia den proceso.
Arubiano ta ricibi Premio Emmy na Los Angeles pa documentario deportivo
LOS ANGELES – Den fin di siman, Noticiacla a ricibi confirmacion cu un arubiano a ricibi e premio cotiza di mundo di cinematografia, esta e galardon Emmy. Den e caso aki ta e conocido arubiano Jo Henriquez, a ricibi e premio pa e categoria deportivo pa 2024-2025 Sports Emmy Award. Ta trata pa e documentario Mountain Queen, The Summits of lhakpa Sherpa di Netflix, pa cual e la ricibi e premio ‘ Documental Largo Sobresaliente, como productor ehecutivo. Henriquez, yiu di e conocido comerciante y personalidad Landa y Raoul Henriquez (dfm). Henriquez no ta un desconoci riba e tereno di cinematografia, y algun aña atras, tabata invitado di e programAa Noticiacla LIVE, unda cu a haci un entrevista cu ne for di Los Angeles, California riba su bida. Henriquez algun aña atras, tabata na Aruba pa estreno di un pelicula cu protagonista, Maria Conchita Alonso tambe.l
Follow NoticiaCla
