Sindicatonan na Hulanda ta anuncia un welga di groundpersonal di KLM atrobe

SCHIPHOL – Groundpersonal di KLM kier welga atrobe. E intencion ta pa stop di traha pa 8 ora diarason proximo. Asina e sindicatonan CNV y FNV a duna di conoce. Inicialmente, e personal kier a welga diasabra. KLM exitosamente a bay Corte siman pasa pa stop esaki. E hues a yama un welga e dia ey iresponsabel debi na e comienso di vacantie y e consecuencianan di e cumbre di OTAN.

E sindicatonan awor ta confia cu e welga lo wordo permiti pa sigui. “A base di e cifranan di pasahero cu nos a exigi di Schiphol y KLM y e acuerdonan cu nos a haci den e consulta di seguridad, nos ta convensi cu e welga aki por tuma luga na un manera sigur,” segun e negoshado di CNV, Souleiman Amallah.

BEK PA CORTE

KLM a declara den un contesta cu e ta considerando bay corte atrobe pa evita e welga. E aerolinea ta bisa di ta decepciona cu e sindicatonan, pasobra KLM a ofrece pa aumenta salario di e personal di tera diabierna.