A detene persona cu ta maneha scol particular ‘Nederlands Onderwijs Aruba ilegalmente

DEN HAAG – Mr. Eric Diepraam lo bira huez den caso penal cu Aruba como su lugar di trabou. Actualmente e ta traha como huez na Tribunal di Amsterdam y tambe como docente na Studiecentrum Rechtspleging, centro di estudio pa e poder hudicial y Ministerio Publico na Hulanda. Conseho di Ministro di Reino a duna su aprobacion pa e nombramento riba propuesta di secretario di estado Van Bruggen di Husticia y Seguridad. E nombramentonan di mr. Diepraam lo drenta na vigor 1 di april 2026.

ORANJESTAD - Awe e sospechoso H. Ruiz a presenta den un Cita cu Fiscal na Ministerio Publico pa responde pa malversacion di fondonan publico di placa di SSA (Stichting Sportsubsidie Aruba) den e caso conoci como Bromelia.  Siman pasa Corte den Prome Instancia a condena e sospecoso principal den e caso Bromelia, e homber K.R.V., pa un castigo di prison di 16 luna, di cual 10 ta condicional, y un periodo di prueba di tres aña.

ORANJESTAD - Dialuna 2 maart ultimo, Gobernador, Su Excelencia Alfonso Boekhoudt, a huramenta señor mr. C.B.A. (Brian) Coffie como hues suplente di Corte Comun di Husticia, cu cede na Aruba. 

ORANJESTAD – E ex empleado di gobierno K. Vrolijk diabierna  a keda sentencia na 16 luna di castigo di prizon, di cual 10 ta condicional. Esey kier men cu e tin cu sinta 6 luna den prizon. Ademas pa 5 aña e no por fungi como ambtenaar di gobierno. Cu esaki, huez a mustra cu ta legalmente proba cu Vrolijk a estafa gobierno durante un aña y mei casi, pa un suma di 180 mil florin. Mirando cu e sentencia ta menos cu 1 aña cu e tin cu sinta, no a duna ordo pa detene Vrolijk mesora. Ademas, e ta for di Aruba pa basta tempo caba.  

ORANJESTAD – Abogado pa famia di e hoben Ayden Lanoy cu a keda tira mortalmente pa dos polis aña pasa, Geert Hatzmann, a considera e loke e polisnan a haci, como ‘Police Brutality’, osea brutalidad policial. Mes momento e la bisa dialuna den sala di corte cu famia Lanoy tabata gran parti di acuerdo cu e rekisitorio di fiscal, pero no cu e castigo. Envez di un castigo di 12 luna castigo condicional di prizon, nan merece 16 aña di castigo di prizon. Asina e la alega den su defensa cu a conta no menos cu 43 pagina dialuna atardi.

ORANJESTAD – Corte di husticia (Hof) a dicta cu un   co-fundador anterior di un compania Arubano no por comporta su mes mas manera accionista, aunke huridicamente su accionnan nunca a wordo transferi formalmente. Asina, e Hof a yega na un resultado diferente cu e huez di prome instancia den un conflicto largo tocante derecho riba bista den cuenta anualnan.