- Rutten ta laga su puesto como entrenador di seleccion di Corsou
- Aruba Birdlife Conservation cu caso contra destruccion di naturaleza pa UTV y ATV
- JetBlue ta aumenta buelonan pa Aruba despues di salida di Spirit
- Rekenkamer: Aruba ta informa Hulanda mihor cu su mes Parlamento
- Prome minister hulandes Jetten rumbo pa Aruba durante biahe den Reino
Arubahuis a despedi di ex minister plenipotenciario Thijsen
DEN HAAG – Na Babylon hotel a tuma lugar un recepcion pa mr. Ady Thijsen pa tuma despedida dje como Minister Plenipotenciario di Aruba y Representante di Aruba na Union Europeo. E recepcion a conta cu diferente invitadonan entre nan un delegacion di Eerste Kamer encabesa pa presidente di Eerste Kamer Jan Anthonie Bruin, Peter van Haasen miembro di Tweede Kamer, ex Prome Minister di Hulanda Jan Peter Balkenende, ex Prome Minister di Aruba Evelyn Wever-Croes, ex minister di Husticia di Hulanda prof. Ernst Hirsch Ballin; diferente embahadornan entre otro di Colombia, Guatemala, Filipinas y Sur Africa y representantenan di Gabinete di Minister Plenipotenciario di Sint Maarten, Gabinete di Minister Plenipotenciario di Curaçao, ministerio di BZK, ministerio di Enseñansa y representantenan di OCTA.
Despues cu PR di Gabinete di Aruba Sidney Kock a yama e huespednan bon bini, e cantante Jeremy Garcia a interpreta e himno Aruba Dushi Tera. Directora di Gabinete di Aruba Joselin Croes LL.M/M.Sc a hiba un discurso den cual ela mira bek riba e periodo di Ady Thijsen como Minister Plenipotenciario y Representante di Aruba na Union Europeo. Señora Croes a bisa cu Ady Thijsen nunca a mira Gabinete di Aruba como un oficina, pero como un brug entre Aruba y Hulanda y entre Reino Hulandes y Union Europeo. ‘E tabata kier pa hende sa kico Gabinete di Aruba ta representa. Cu e no ta un edificio misterioso cu un lenguahe dificil y cu hende cu bachi y dashi, pero un caminda pa contecta, coopera y principalmente di hende. Durante su periodo como Minister Plenipotenciario ela haci Aruba mas visibel na Hulanda, Reino Hulandes y Europa. Ela busca cooperacion cu municipionan, embahadanan y universidadnan. Tur esaki pa pone Aruba riba mapa y asina sirbi su pais, tabata palabranan di Joselin Croes.
Joselin Croes a menciona e trayectoria largo di Ady Thijsen den politica, cu e ta un defensor di un “Geschillenregeling” pa Reino Hulandes y ta kere den mas participacion di “bijzondere gedelegeerden” den debate riba Ley di Reino (Rijkswetten). Joselin: ‘Su conocimento y empeño a culmina den organisacion di un exitoso simposio riba 70 aña di Statuut den Nieuwspoort aña pasa.’
Ady Thijsen na su turno a hiba un discurso unda ela cuminsa na bisa cu e funcion di Minister Plenipotenciario di Aruba y Representante di Aruba na Union Europeo tabata un bunita manera pa a cera su carera politico di 20 aña. Ela para keto riba su trabao na Hulanda y Bruselas. Un biaha mas sr. Thijsen a argumenta pakico mester bin un Areglo di Disputa (“Geschillenregeling”); duna parlamentarionan Caribense como “bijzondere gedelegeerden” derecho di voto banda di derecho pa entrega mocion y amienda durante reunion den Tweede Kamer riba leynan di Reino (rijkswetten). Tambe sr. Thijsen a bisa cu mester bin claridad ki ora y con e paisnan den Reino lo mester brinda ayudo y sosten na otro y cu lo mester introduci un Conseho pa Derecho Humano pa Reino Hulandes, mescos cu tin un Raad van State pa Reino Hulandes. ‘Esaki no ta kita afor cu mi ta kere den un Reino fuerte, basa riba convivencia, cooperacion, tuma decision conhuntomente y hunto carga responsabilidad,’ asina sr. Thijsen a bisa.
Finalmente sr. Ady Thijsen a gradici tur esnan pa e sosten y confiansa e ultimo tres añanan pa e por a haci su trabao como Minister Plenipotenciario di Aruba y Representante di Aruba na Union Europeo. Potretnan cortesia Michel Groen.
Hantavirus: Stewardess hulandes di KLM ta test negativo , pero mas britaniconan infecta
AMSTERDAM - World Health Organization (OMS) a confirma cu e stewardess hulandes di KLM cu tabata den aislamiento na Amsterdam, no tin hantavirus. Testnan a confirma cu e no a wordo infecta, apesar cu durante su trabou na Johannesburg el a drenta den contacto cu un hende hulandes cu posteriormente a muri despues di a wordo infecta abordo di crucero MV Hondius.
CBCS ta lansa monedanan commemorativo pa celebracion di clasificacion di Corsou pa Mundial
AMSTERDAM - Centrale Bank van Curacao en Sint Maarten (CBCS) ta lansa dos moneda commemorativo special pa honra clasificacion historico di seleccion di futbol di Curacao pa Mundial di Futbol. Ta trata di un moneda di plata di cinco florin y un moneda di cincuenta cent.
Na Hulanda, rapper Ali B ta bay casaccion, pero por warda e proceso den libertad
AMSTERDAM – E conoci rapper hulandes Ali B a dicidi di bay den casacion na Hoge Raad, e maximo corte na Hulanda, despues cu corte di apelacion a condene awe mainta na tres aña di prizon pa dos caso di violacion. E sentencia nobo ta mas halto cu e castigo cu el a ricibi anteriormente, y tambe mas halto cu loke Ministerio Publico tabata pidi.
Stewardess di KLM hospitalisa pa posible contagio cu hantavirus
SCHIPHOL - Un stewardess di KLM for di Haarlem a wordo hospitalisa den Amsterdam UMC debido na un posible contagio cu hantavirus. E stewardess tabata den contacto na Johannesburg cu e señora Hulandes di 69 aña cu a muri dia 26 di april debido na e virus.
Diferencia entre rico y pober na Hulanda ta sigui crece
AMSTERDAM - Un informe nobo di Centraal Planbureau (CPB) ta alerta cu diferencia entre hende rico y hende cu ta gana menos na Hulanda ta bira cada vez mas grandi. Segun e instituto independiente, e sistema di belasting actual no ta reduci e desigualdad, y den algun caso hasta ta contribui pa haci e problema mas grandi.
Arubahuis cu studiantenan di Aruba ta honra Boy Ecury cu krans na Waalsdorpervlakte
DEN HAAG - Un delegacion di Arubahuis hunto cu studiantenan Arubiano, a pone un krans na Waalsdorpervlakte na Dodenherdenking den Den Haag. E lugar tin gran significado historico, pasobra ay a fusila miembronan di resistencia durante Second World War, incluyendo e hoben Arubiano Boy Ecury.
Follow NoticiaCla
