- Rutten ta laga su puesto como entrenador di seleccion di Corsou
- Aruba Birdlife Conservation cu caso contra destruccion di naturaleza pa UTV y ATV
- JetBlue ta aumenta buelonan pa Aruba despues di salida di Spirit
- Rekenkamer: Aruba ta informa Hulanda mihor cu su mes Parlamento
- Prome minister hulandes Jetten rumbo pa Aruba durante biahe den Reino
Ningun topico di Reino declara controversial na Hulanda
DEN HAAG – Comision di Camara di Representantenan pa Relacionnan den Reino no a declara ningun topico controversial diamars. Esaki ta nifica cu por trata e dossiernan actual, incluyendo esnan bou di e gabinete Schoof saliente, y por keda atende por lo pronto. Sinembargo, e desicion final ainda ta keda na full e Tweede Kamer.
E comision a trata un lista largo di diesnuebe topico. Esakinan ta ensera e progreso di e acuerdonan administrativo pa Boneiro, Sint Eustatius y Saba, seguridad di cuminda riba e islanan, contesta di politica riba investigacionnan di integridad y e maneho financiero di e instancianan publico. E contesta di e gabinete riba e Ipko di juni 2024, e rapportnan di e Hunta di Supervicion Financiero y e relato anual di 2024 riba Relacionnan di Reino tambe lo keda bou di consideracion.
Temanan manera atende pobresa y desbentahanan den Hulanda Caribense, funcionamento di Interparlamentaire Koninkrijkverleg (Ipko) i ehecucion di e skema pa resolve disputa mutuo. Ehecucion di e mecanismo nobo di coordinacion pa relacionnan exterior di Reino, riba cual Aruba, Curaçao y Sint Maarten lo duna nan posicionnan fin di juni, tambe ta keda riba agenda.
E comision a dicidi di no blokia e temanan aki, pasobra segun e mayoria nan ta cay bao di politica actual of asuntonan urgente di cooperacion dentro di Reino.
Tweede Kamer lo vota den plenario mas laat e aña aki riba e declaracion di temanan controvercial den henter e trabou parlamentario. Ta e ora ei so lo keda cla cua dossiernan di Reino posiblemente lo keda gevriesd te despues di eleccion.
IPKO TA SIGUI NA SEPTEMBER APESAR DI OBHECIONNAN
Un punto grandi di discusion tabata e continuacion di e IPKO, e consulta bianual entre e parlamentonan di Hulanda, Aruba, Curaçao y Sint Maarten. Esaki ta programa pa fin di september, poco prome cu e eleccion di dia 29 di october proximo.
PVV y VVD tabata kier pa declara e consulta controversial, pero no a haya suficiente sosten pa esaki. Dies di e diesnuebe miembronan votante tabata presente na e votacion, loke a resulta den un empate i pues sin desicion. Segun e comision e consulta ta esencial pa e continuidad di e cooperacion dentro di Reino. Es mas, e delegacion Hulandes ta anfitrion di e reunion na Den Haag, loke lo haci un posponemento organisatoriamente y politicamente indeseabel. NOTA: Articulo y foto ta cortesia di curacao.nu
Hantavirus: Stewardess hulandes di KLM ta test negativo , pero mas britaniconan infecta
AMSTERDAM - World Health Organization (OMS) a confirma cu e stewardess hulandes di KLM cu tabata den aislamiento na Amsterdam, no tin hantavirus. Testnan a confirma cu e no a wordo infecta, apesar cu durante su trabou na Johannesburg el a drenta den contacto cu un hende hulandes cu posteriormente a muri despues di a wordo infecta abordo di crucero MV Hondius.
CBCS ta lansa monedanan commemorativo pa celebracion di clasificacion di Corsou pa Mundial
AMSTERDAM - Centrale Bank van Curacao en Sint Maarten (CBCS) ta lansa dos moneda commemorativo special pa honra clasificacion historico di seleccion di futbol di Curacao pa Mundial di Futbol. Ta trata di un moneda di plata di cinco florin y un moneda di cincuenta cent.
Na Hulanda, rapper Ali B ta bay casaccion, pero por warda e proceso den libertad
AMSTERDAM – E conoci rapper hulandes Ali B a dicidi di bay den casacion na Hoge Raad, e maximo corte na Hulanda, despues cu corte di apelacion a condene awe mainta na tres aña di prizon pa dos caso di violacion. E sentencia nobo ta mas halto cu e castigo cu el a ricibi anteriormente, y tambe mas halto cu loke Ministerio Publico tabata pidi.
Stewardess di KLM hospitalisa pa posible contagio cu hantavirus
SCHIPHOL - Un stewardess di KLM for di Haarlem a wordo hospitalisa den Amsterdam UMC debido na un posible contagio cu hantavirus. E stewardess tabata den contacto na Johannesburg cu e señora Hulandes di 69 aña cu a muri dia 26 di april debido na e virus.
Diferencia entre rico y pober na Hulanda ta sigui crece
AMSTERDAM - Un informe nobo di Centraal Planbureau (CPB) ta alerta cu diferencia entre hende rico y hende cu ta gana menos na Hulanda ta bira cada vez mas grandi. Segun e instituto independiente, e sistema di belasting actual no ta reduci e desigualdad, y den algun caso hasta ta contribui pa haci e problema mas grandi.
Arubahuis cu studiantenan di Aruba ta honra Boy Ecury cu krans na Waalsdorpervlakte
DEN HAAG - Un delegacion di Arubahuis hunto cu studiantenan Arubiano, a pone un krans na Waalsdorpervlakte na Dodenherdenking den Den Haag. E lugar tin gran significado historico, pasobra ay a fusila miembronan di resistencia durante Second World War, incluyendo e hoben Arubiano Boy Ecury.
Follow NoticiaCla
