Futbolista professional Quincy Promes extradita pa Hulanda

DUBAI - E futbolista profesional hulandes Quincy Promes a wordo extradita pa Hulanda door di Dubai. De Telegraaf ta informa cu e ta riba un avion cu a wordo gehuurd pa e poder hudicial. Fuentenan ta bisa e corant cu e ta wordo vigila pa Polis Militar Real durante e vuelo.

Promes a keda aresta na Dubai siman pasa. E futbolista (33) a wordo condena den ausencia na Hulanda na dos castigo di prison. El a wordo sentencia na seis aña di prizon na cuminsamento di 2024 pa envolvimento den e contrabanda di mas cu 1.350 kilo di cocaina via e haf di Antwerpen. Tambe el a wordo condena na un aña y mey di prison pa a hinca su primo na un fiesta di famia. E apelacion den ambos caso ainda ta andando.

Ora Promes a wordo condena, e tabata na Rusia. Einan el a hunga futbol pa e club Spartak Moscu. Despues di esei el a biba i hunga futbol na Dubai.

PROPOSICION

Prome cu su aresto, Promes a bisa den un entrevista cu e tabata prepara pa bini for di Dubai pa Hulanda y asisti na e apelacion di e dos casonan, basta e por a retene su libertad. El a entrega un peticion pa esaki, pero corte na Amsterdam no a bay di acuerdo cu esaki.