- Gabinete Pisas a pidi retiro di dos di su ministernan di su gabinete
- Opinion: E post cu tur sa tabata bin: clapchi.
- AZV a lanza logo relaciona cu 25 aña di seguro AZV
- VIDEO: Grupo di prensa local a conoce e restaurant mas nobo ‘Gaia House of Grill’ na JOIA Aruba
- Famia di turista cu a muri tragicamente na Aruba, ta papia, y curpa ta 'pega' na Aruba ainda
CAft: E forma cu gabinete anterior a structura AWSS, ta crea hopi pregunta y risico
ORANJESTAD – Mientras cu berdad tabata necesario pa tuma accion na e planta di purificacion di awa na Bubaliplas, e forma con esaki a sosode, e colegio di supervision financiero di Aruba CAFt ta bisa, ta crea duda di su futuro existencia. Asina e carta ‘confidencial’ fecha 3 di april 2025, cu a cay den man di algun medio di comunicacion (entre nan Noticiacla) ta confirma. Recientemente un raportahe anterior di e portal aki riba e tema, a causa irritacion cerca partido di oposicion MEP, siendo e gobierno e tempo ey na 2024 cu a scohe pa e structura pa e planta. Pero, awor cu tin e carta mes, por mira cu e loke cu Noticiacla a presenta, tabata berdad. Y cu mas detayes. E unico ‘fayo’ ta cu e carta tabata dirigi na actual prome minister y no esun anterior.
CONFIRMACION DI E CONSEHO CONFIDENCIAL
Den e carta confidencial, por lesa con CAFt ta papia di su preocupacion pa cu e structura di e planta. Pa salvaguardia e existencia di e planta cu awor ta bou di maneho di Aruba Waste Water Solutions NV (AWWS), CAFt a bin cu varios conseho pa gobierno actual tuma nota di dje. CAft ta enfatisa cu e forma cu gobierno anterior a forma e privatisacion a resulta den “riesgonan financiero inevitabel cu ta pone extra presion riba finanzas di gobierno”.
RESPONSABILIDAD FINAL
“Mientras cu e maneho y mantencion di e planta ta cay pa responsabilidad di AWSS, esun finalmente responsible ta keda gobierno di Aruba. Y si surgi problema serio cu e planta, e lo tin consecuencia serio pa turismo, como e pilar principal di economia di Aruba” CAFt ta sigui bisa.
ATVERTENSIANAN IGNORÁ
Manera awor a sali na cla, Prome Minister di e tempo ey Evelyn Wever-Croes y Minister di Finanzas Xiomara Maduro a traha un structura pa e planta, unda cu advertencianan di Corte di Control di Aruba a wordo ignora. Ademas, manera ta bisto for di e carta cu a sali awor, nan no a logra proveé un ‘mecanismo di supervision’, segun CAFt. Como resultado, “bon gobernacion, política financiero solido y maneho financiero apropia no ta garantisa.” E resultado ta cu e gobierno(actual) no tin bista riba y no tin control riba e riesgonan. Asina e colegio ta sigui bisa.
NO TIN TRANSPARENCIA Y RESPONSABILIDAD
CAft tin dudanan serio riba e motibonan di ex gabinete Wever-Croes. “No ta cla pakico a haci e escogencia pa traspasa pa un entidad nobo en bes di wordo tuma over pa Water- en Energiebedrijf Aruba NV” cu tin e infrastructura, experticio y personal necesario pa purificacion di awa” CAFt ta sigui bisa. “Ademas di e riesgonan financiero, outsourcing di e tarea publico aki tambe por tin consecuencia pa e transparencia y responsabilidad di e gasto di fondonan publico.”
POSIBEL BANCAROTA
Segun CAFf, AWSS lo mester di cientos di miyones den e proximo añanan pa modernisa e plantanan di tratamento di awa di riool y e sistema di riolering. E inversionnan necesario te cu 2030 ta wordo calcula na 274 miyon florin. Pa medio di e skema di gabinete Wever-Croes pa tene e inversionnan pafo di e presupuesto nacional, e situacion ta considerablemente mas caro cu ta nesesario, pasobra AWSS ta depende di concluí fiansa comercial riba mercado di capital.
BANCAROTA DI AWSS NO TA DESCARTA
Un construccion diferente por a “resulta den un economisacion calcula di 190 miyon florin”, segun CAft. Pero e por ta muchu mas caro: “E gastonan di interes halto por pone presion riba e posicion financiero di AWSS y den pio caso, conduci na bancarota di AWSS.” Den e caso ey, gobierno lo paga pa e daño, pasobra, manera e Hunta ta declara, e pais ta y ta keda responsabel finalmente.RECOMENDACION DI CAFT
CAft ta recomenda entre otro lo siguiente: “Pa por limita e riesgonan pa cu finanzas di gobierno, ta crucial pa fortifica e maneho y supervision di AWSS.Transparencia, un bon maneho financiero y un gobernacion corporativo solido mester ta central den esaki.” Por ehempel, AWSS mester ta obliga pa duna bista riba su asuntonan financiero riba un base trimestral. Prestamo via Hulanda ta hopi mas faborabel.
Segun CAft, tin un bentaha considerabel pa haya door di financia e inversionnan cu AWSS kier haci, parcialmente for di recursonan propio disponibel, y e resto via Hulanda. Pasobra e ora ey e cobransanan di interes lo ta hopi mas abao. E carta alarmante di CAft, fecha 3 di april, mester tabata mas of menos e prome mail cu gabinete Eman-Croes, huramenta dia 28 di maart, a haya.
WEVER-CROES: “MENTIRA”.
E gastonan y riesgonan innecesariamente halto cu gabinete Wever-Croes a laga pa su sucesor, door di establece AWSS cu e structura conoci, a sali na cla luna pasa pa medio di e combersacion cu CAft tabatin cu e Comision di Relacionnan di Reino di Senado. Medionan na Aruba y Hulanda (entre nan, e portal aki esta noticiacla) cu a reporta riba e combersacion ey a wordo acusa pa ex Prome Minister Wever-Croes di a plama mentira. Tambe el’a publica un post riba su pagina di Facebook den cual el’a pretende falsamente cu presidente di CAft Lidewijde Ongering a bis’e cu e reportahe ta incorecto. Esaki, siendo cu e unico parti incorecto, tabata cu e carta tabata dirigi na actual prome minister Mike Eman, envez di Evelyn Wever Croes. Por lesa e carta original di CAFt dirigi na prome minister Mike Eman, AKI. NOTA: Articulo mes ta di Noticiacla, pero cu colaboracion di dossierkoninkrijksrelaties.nl
Aruba Tourism Authority Sui Generis ta celebra 15 aña
ORANJESTAD - Aruba Tourism Authority Sui Generis ta celebra 15 aña. Con ta midi diescinco aña di un entidad nobo cu a nace pa promove desaroyo, innovacion y crecemento di nos economia a traves di nos unico pilar, turismo. Di aña 2011 pa awo, “Tourism Receipts” a aumenta cu 94%, yegada di bishitante a aumenta cu 43%, “RevPAR” a crece cu 82%, mientras cu yegada di turismo crucero a crece cu 36%. E cifranan aki ta subraya e exito y desaroyo sostenibel di e sector turistico di Aruba, desde cu a funda Aruba Tourism Authority Sui Generis.
Aerolíneas Argentinas ta lansa servicio directo nobo entre Argentina y Aruba
ORANJESTAD - Aerolíneas Argentinas ta lansa servicio directo nobo entre Argentina y Aruba. E vuelo inaugural a sali for di Aeropuerto Internacional Ezeiza (EZE) cu tur 170 asiento completamente ocupa, reflehando e demanda fuerte di mercado y un contesta sumamente positivo di parti di e biaheronan Argentino. Pa celebra formalmente e momento, tabatin un ceremonia inaugural cu a tuma luga riba dia 8 di januari, na Aeropuerto di Aruba, treciendo hunto e stakeholdernan clave di gobierno, aviacion y turismo. E celebracion a conclui cu un ceremonia tradicional di cortamento di cinta y cortamento di bolo, oficialmente yamando bonbini na Aerolíneas Argentinas na Aruba.
DIMP: Ultimo dia pa paga impuesto di vehiculo di motor ta 2 di februari 2026
ORANJESTAD – E ultimo dia pa paga impuesto di vehiculo di motor di aña 2026 ta 2 di februari 2026. Normalmente e fecha final ta 31 di januari, pero debi cu e aña aki e fecha aki ta cay riba diasabra, e fecha final ta bira dia 2 di februari 2026. Aki ta sigui mas informacion.
DIMP: Pensionadonan ta paga menos na prima di AZV awor
ORANJESTAD – Departamento di Impuesto a informa tur pensionado y nan doño di trabou, cu entrante 1 di januari 2026 e prima di AZV ta wordo reduci pa e pensionadonan cu tin e edad di 65 aña of mas.Durante aña 2025, e pensionadonan tawata paga 5% riba e prome Afl. 30.000 di entrada of salario (di un empleo den pasado). Si e entrada of salario aki surpasa Afl. 30.000 pa aña, e pensionado ta paga 10,5% na prima di AZV riba e suma restante. Awor entrante 1 di januari 2026, e porcentahe riba e prome Afl. 30.000 di entrada ta 0%. Pues un reduccion di 5%.
Reglanan importante na Aruba pa control riba construccion y demolicion aplicabel awor
ORANJESTAD – For di 1 januari 2026, ta bini na vigor regulacionnan adicional di e Bouw- i sloopverordening di Aruba. E caminda aki ta duna gobierno mas poder pa tuma medida contra construccion i demolicion ilegal, y tambe pa reclama gasto for di e persona cu ta comete infraccion. Esaki ta segun un landsbesluit cu a wordo firma 23 december 2025 y publica den Afkondigingsblad di Aruba. E Bouw- i sloopverordening tabata parcialmente na vigor desde november 2022, pero hopi articulo importante no tabata activa ainda. Cu e landsbesluit nobo, ta wordo pone den vigor esnan cu ta referi na handhaving administrativo, seguridad legal y reclamo di gasto. Ta trata di articulo basico cu ta esencial pa supervision y actuacion efectivo di gobierno.
Den caso di cancelacion di buelo, unda e responsabilidad di aeropuerto ta cuminsa y caba?
ORANJESTAD – Den caso di cancelacion di buelo, unda e responsabilidad di aeropuerto ta cuminsa y caba? Despues di e situacion di fin di siman unda cu buelonan di Merca y Europa a cancela pa Aruba, e pregunta a surgi, ken ta responsabel pa kico. Noticiacla a haci e pregunta ey diamars na e CEO saliente di aeropuerto di Aruba, James Fazio. Wak e entrevista AKI.
Follow NoticiaCla
