- Trump: Merca a realisa atakenan riba tres compleho nuclear na Iran
- Botica di Servicio ta Conoce Su Prome “Streya di Botica”
- Arubahuis a despedi di ex minister plenipotenciario Thijsen
- Analisis: Cos no ta pega rond di nombracion di un proximo minister
- Atraco Team a detene hoben na Kamerlingh Onnestraat pa ladronicia
OM: No ta confirma ni nenga cu Mike de Meza ta sospechoso di husticia
ORANJESTAD – Ministerio Publico di Aruba no kier a ni confirma ni desmenti cu candidato pa minister ir. Mike de Meza ta un sospechoso pa e departamento. Riba pregunta di Noticiacla dialuna mainta, e vocero a bisa di lo no duna informacion. “OM no ta bay duna ningun reaccion riba e pregunta aki”, e vocero a bisa Noticiacla dialuna. E pregunta tabata si ‘enberdad de Meza awor ta un sospechoso di Ministerio Publico. “Ni confirma, ni nenga. Geen comentaar” tabata e siguiente comentario. Pues, for di e banda ey, no lo tende nada (por lo pronto).
USUAL?
Noticiacla a busca contacto dialuna cu Ministerio Publico riba e tema, mirando cu un dia prome, abogado di de Meza, mr Desiree Croes a sigura cu nan a haya notificacion di OM, cu e cliente de Meza awor ta sospechoso di husticia den un investigacion penal. Y como cu Ministerio Publico no a emiti ningun comunicado, (cos cu nan ta haci si normaal ora cu tin un caso di atencion high profile) pa confirma of clarifica e declaracion di e abogado. Bisando esaki, no tin motibo di duda den e palabra di e abogado, pero semper ta busca tur banda pa haya mas clarificacion. Y sigur mas claridad riba kico exactamente ta sospecha e parlamentario di AVP cu ta candidato pa bira minister. Esaki kier men cu tin cu warda un poco mas, pa wak kico nobo lo Sali for di e asunto aki.
DIADOMINGO
Tabata diadomingo anochi cu e abogado mr Croes a informa cu OM a informe cu su cliente ta un sospechoso, despues cu e director di departamento di impuesto Luenne Gomez a entrega un keho contra dje algun siman prome. Esaki a crea un situacion nobo den henter e proceso di nombracion di de Meza pa bira minister.
Corte ta sentencia muher na 30 luna di prizon pa contrabanda di hende
ORANJESTAD - Diahuebs corte a trata e caso cu ta carga e nomber di 24Rose. E hues a condena N.M.M.U. di nacionalidad Colombiana di 37 aña y biba na Corsou, na 2 aña y mei di prison (30 luna) pa traficacion y contrabanda di hende . Aki ta trata di cinco victima Colombiana. E presidente di Hof a expresa explicitamente su aprecio pa e dossier cu a ser construi cu hopi cautela.
Croes: Cu e declaracion di OM, por confirma cu OM ta mas bruha un bol di hilo
ORANJESTAD – “Cu e declaracion aki (di Ministerio Publico riba e caso de Meza:red) por confirma cu OM ta mas bruha un bol'i hilo”, tabata abogado mr Desiree Croes pa noticiacla, diahuebs merdia, reaccionando riba e articulo di Ministerio Publico riba e caso di su cliente Mike de Meza.
OM: No tin ningun persecucion andando contra Mike de Meza
ORANJESTAD – “Actualmente no tin ningun persecucion andando contra e peticionario. Tampoco el a wordo deteni, ni invita pa wordo scucha como sospechoso. Eseynan lo ta e momentonan caminda un sospechoso mester wordo poni formalmente na haltura cu e ta wordo sospecha of acusa di comete un delito penal. Esaki ta aplica pa tur ciudadano cu ta sospechoso, incluso p’e”, tabata e prome reaccion di oficina di Ministerio Publico via un comunicado. “ . Ministerio Publico no ta mira ningun motibo pa kita di e norma aki den caso di e peticionario en cuestion. Pa e motibo ey, Ministerio Publico ta para riba cu e peticion mester wordo rechasa”, e comunicado ta sigui bisa.
Corte: Otro siman ta dicidi den caso cu Mike de Meza a entama contra Ministerio Publico
ORANJESTAD – Corte ta tuma decision aki un siman, den e caso cu parlamentario Mike de Meza a entama contra Ministerio Publico, pa e instancia aki divulga pakico e (de Meza) ta un sospechoso oficialmente di ley. E caso a keda trata tras di porta cera, pues prensa no tabata permiti pa cubri e caso aki. Pero despues di e caso segun sr de Meza den un entrevista cu e emisora Magic FM diahuebs mainta, e la declara e.o. cu Ministerio Publico no por a contesta varios pregunta cu Huez a haci, y entre nan, e pregunta mas principal, esta pakico Ministerio Publico a ‘label’ su persona como sospechoso di ley, y tampoco si enberdad a informa prome minister Mike Eman, di e notificacion cu de Meza ta un sospechoso awor E noticia aki ta den proceso.
Corte: Ex chauffeur di ex prome minister acusa di abuso sexual, ta keda deteni!
ORANJESTAD – Corte a rechasa e peticion di abogado di e ex chauffeur di ex prome minister Wever-Croes, esta S. Koolman, pa suspende su detencion preliminar relaciona cu acusacion di abuso sexual di menornan di edad. Esaki kier men cu Koolman mester keda encarcela na KIA te ora cu su caso bin dilanti. Loke si a dun’e ta pa scucha 4 testigo, di cual uno ta un di e victimanan. E peticion tabata pa suspende e detencion, te ora cu e caso keda trata integralmente, posiblemente pa luna di september di e aña aki.
De Meza ta topa Ministerio Publico den Corte diahuebs
ORANJESTAD – Manera cu Noticiacla a presenta como primicia siman pasa, Corte di prome instancia a stipula fecha pa trata e caso cu candidato pa minister, Mike de Meza a entama contra Ministerio Publico. Abogado Desiree Croes a confirma cu e fecha mayan mainta, diahuebs 19 di juni pa 8’or y mei. Mester bisa mesora tambe cu e caso lo wordo trata tras di porta cera. Biaha pasa tambe ora cu a trata e caso di de Meza, pero contra DIMP, a bisa cu e lo ta tras di porta cera, pero despues a habri esaki pa publico limita.
Follow NoticiaCla
