Wever: Lo evalua resultado di ‘Ban Bek Caya’ y wak si ta hacie algo mensual

Posted on 06/9/2025 10:37 am AST | Updated on 06/9/2025 11:03 am AST

ORANJESTAD – Mientras cu ta considera e evento organisa pa gabinete AVP-FUTURO, esta Ban Bek Caya, como un exito rotundo pa gobierno, no ta sigur cu e evento aki ta ripiti, y tampoco no sa den ki forma. Minister di economia Geoffrey Wever mientras cu e ta satisfecho di con e evento a desaroya, den un reaccion pa Noticiacla, a comenta cu lo tin cu evalua awor, cu demas partners, pa wak si ta haci e evento algo mensual. E tabata masha contento si di wak tanto hende asina na e evnto, unda cu tabata masha gezellig.

A CUMPRA COS?

E mandatario ta conciente cu no tur hende a bay pa ‘cumpra cos’, sino cu a bay pa topa y pasa bon. Tambe e sa cu no tur negoshi a bende. Eseu no ta kita afor cu mester cuminsa un caminda. Y awor lo evalua e exito, y dicidi con ta sigui aworaki pa dilanti. Si ta cambia e formato, si tin cosnan cu mester adapta of no. E decision ey tin cu cay awor. Por a compronde di otro gobernantenan, cu e intencion for di inicio, tabata pa haci esaki uno mensual, osea tur luna. Con y ki dia y den ki forma, tin cu wordo dicidi ainda. Gobierno mientrastanto, den nan propio comunicado ta bisa si cu ‘Cu hopi orguyo, Gobierno di Aruba por bisa cu e prome edicion di Ban Bek Caya tabata un exito rotundo, y ta ansioso pa e proximo edicion’.

GASTO

A mustra e mandatario riba e gastonan envolvi pa organisa e evento aki. Opositornan hopi lihe a bisa cu ta danki na e ‘surplus’ cu nan a laga atras, cu gobierno por gasta 100 pa 200 mil florin pa un evento asina. E mandataro a bisa di no sa exactamente cuanto e evento a costa y no por sigura e suma menciona. Ta un echo si, segun Wever, cu mester a gasta placa. Y ta normal cu ora cu bo kier haci algo asina, sea kico cu e ta, cu bo mester gasta placa. Pa genera algo, kico cu ta, mester gasta placa, pues esey ta e forma normal pa cualkier negoshi. Pues ta logico cu e no ta bay ta ‘pornada’.

E EVENTO MES

Diabierna anochi, Caya Grandi a bira e epicentro di alegria, union familiar y bida cultural durante e prome edicion di Ban Bek Caya. Ta bisa cu e evento a surpasa tur expectativa y a lansa un sentimento di speransa y renobacion pa nos caya principal.

Un multitud di hende, tanto local como turista, a yega pa disfruta di un anochi yena di alegria, cultura, entretenimento y compras na prijsnan special. Caya Grandi a haya bida manera den su tempo di gloria, cu famianan disfrutando, gosando y compartiendo momentonan hunto.

CEO nobo di aeropuerto a yega Aruba y reuni cu minister
ORANJESTAD – Despues di un retraso chikito debi na problema di buelo (relaciona cu mal tempo na Europa), e CEO nobo di Aeropuerto, Johnny Andersen a yega Aruba porfin y a cuminsa traha. Minister di Turismo mr. Wendrick Cicilia responsabel pa aeropuerto, a tene un reunion oficial cune, como parti di e proceso di introduccion y alineacion strategico despues di su reciente nombracion. Minister Cicilia tabata compaña pa Tico Croes y Philippe La Reine, y miembronan di Hunta di Comisario di Aruba Airport Authority encabesa pa Marion Kan, hunto nan a forma parti di e reunion. Durante e reunion a trata topiconan clave relaciona cu maneho di aeropuerto, desaroyo di aeropuerto den futuro, conectividad aereo y importancia di aeropuerto como un pilar fundamental di turismo y economia di Aruba.
Mas Politica
Lesa Mas
Dowers: Aruparking lo takel auto di esnan cu a surpasa ora di parkeer
ORANJESTAD – Autonan cu a pasa nan ora di parkeer paga, por haya nan mes mal sirbi door di haya nan auto getakeld, y cu tin cu cubri tur gasto di esaki. Minister encarga cu husticia, y bou di cual ta cay tambe Aruparking, Arthur Dowers, a duna un briefing cortico dialuna riba e situacion aki. Segun e mandatario, durante e ultimo 3 lunanan, a parti 375 multa pa esnan cu tabata parkeer robez tur caminda. Y a takel 150 auto cu tabata stroba trafico, creando un peliger.
Mas Politica
Lesa Mas
Gobierno ta entrega ley ‘Langdurige Zorg Aruba’ pa nos grandinan
ORANJESTAD - Prome Minister Mike Eman durante e programa Noticiacla LIVE a comparti cu durante e celebracion di 25 aña di existencia di AZV, hunto cu Minister di Salubridad, Asunto Social, Cuido di Hende Grandi y di Adiccion, Mervin Wyatt-Ras, a anuncia un ley nobo. Ta trata di e Landsverordening Langdurige Zorg Aruba.
Mas Politica
Lesa Mas
Gobierno ta introduci startersregeling pa stimula empresanan nobo
ORANJESTAD - Den cuadro di un strategia pa stimula empresanan nobo y diversificacion di Aruba su economia Minister di Finansa, Economia y Sector Primario Geoffrey Wever ta introduci oficialmente un “Startersregeling” pa companianan nobo, dirigi na elimina barrera fiscal pa empresanan nobo y crea un clima fiscal mas faborabel pa empresanan nobo.
Mas Politica
Lesa Mas
Eman: Refineria na Aruba definitivamente ta keda cera
ORANJESTAD – E refineria na Aruba ta keda cera. Y ni cu e desaroyo nobo na Venezuela, esaki no ta cambia. Asina prome minister Mike Eman a bisa durante e programa Noticiacla LIVE na Tito Laclé. Laclé a puntra e mandatario si mirando e desaroyo nobo na Venezuela unda cu ta parce cu Merca ta den control di e petroleo, cu si esaki ta pone gobierno di Aruba pensa dos biaha riba e plan pa e refineria. E refineria a cera su portanan algun tempo atras, y Eman a sigura cu esey lo keda asina. Tabatin un periodo di gloria di e refineria, pero esaki awor a caba y definitivamente e refineria ta keda cera.
Mas Politica
Lesa Mas
Dowers: Polis a señala cu situacion di trafico a bay for di man na Aruba
ORANJESTAD – “Polis a señala situacion di trafico (na Aruba) practicamente a bay for di man na pais Aruba”. Asina minister di husticia di Aruba Arthur Dowers a bisa diabierna mainta durante un reunion di Parlamento contestando pregunta di parlamentarionan. E reunion tabata a base di peticion di un parlamentario (John Hart di AVP) riba e tema di seguridad di trafico despues di un fin di siman tragico unda cu 3 persona den dos diferente accidente a perde nan bida cruelmente.
Mas Politica
Lesa Mas