Fecha definitivo pa eleccion na Hulanda ta conoci!

DEN HAAG - E eleccionnan di Tweede Kamer ta definitivamente riba diarason 29 di oktober proximo. E gabinete hulandes ta adoptando e consehonan di Conseho Electoral. “Bo ta mira cu cosnan tin biaha ta bay mas lihe den exterior”, segun cuidador Minister Uitermark di Interior. "Pero bo no por compara esaki cu esey. Na Hulanda, por ehempel, nos ta kere cu ta importante cu hendenan cu ta biba den exterior tambe por vota. Y cu partidonan politico nobo ta haya e oportunidad pa inscribi."

Segun e Conseho Electoral y e gabinete, no ta sabi pa bai mas lihe cu 29 di october, tambe pasobra tin un vacantie di augustus entre nan. I 13.5 miyon carchi di votacion controla mester wordo imprimi y entrega pa post.

Ora di skohe e fecha, Conseho Electoral a tene cuenta cu varios interes y provisionnan huridico. Municipionan mester di tempo pa entrena boluntarionan y busca urnanan di votacion adecua. Votadornan Hulandes cu ta biba den exterior mester tin tempo pa registra y ricibi nan certificado di voto postal.

Partidonan politico tambe mester di tempo pa prepara pa e eleccion, manera scibi un programa di eleccion, traha un lista di miembronan candidato di Parlamento y organisa congresonan di partido pa asina miembronan por tin palabra den nan. E chens cu un mayoria di e Camara lo opone ainda na e fecha ta cero.