SLM ainda ta bula pa Aruba y Curacao, apesar di ‘prohibicion di UE

PARAMARIBO / ORANJESTAD - Surinam Airways (SLM) ta sigui bula pa Curacao y Aruba. E prohibishon di buelo di Union Europeo impone dia 3 di juni, no ta conta pa e ruta ei. E unico conexion regional cu e companianan di aviacion di Surinam no tin mag di mantene mas ta entre Paramaribo y Cayenne, e capital di e pais bisiña Guyana Frances.

Buelonan entre Paramaribo y Amsterdam lo sigui manera normal, Surinam Airways ta sigura. E compania no tin su propio avion pero ta mantene e coneccion den colaboracion cu Universal Sky Carrier (USC) for di Alemania. USC su avionnan ta certifica pafo di Surinam y por lo tanto ta cay pafo di e ‘prohibicion’ di UE cu actualmente ta conta pa 169 portaavion.

Na februari, Union Europeo a determina cu e supervision di seguridad di aviacion di Surinam no ta cumpli cu e normanan di UE, segun e Autoridad Surinam di Aviacion CASAS ta skirbi. P’esey a impone e prohibicion di vuelo. “Suriname a bin ta alcansando e último tres añanan,” CASAS ta skirbi. 

MEHORIA

Cu guia di Organisacion Internacional di Aviacion Civil (ICAO), un proyecto ta andando pa mehora e procesonan interno, regulacionnan y amplia e forsa laboral. E prome dos fasenan di e proyecto a wordo completa exitosamente, segun CASAS. E di tres y ultimo fase a caba di cuminsa.