JetBlue y United Airlines cu colaboracion nobo cu ta beneficia Aruba

MIAMI – E aeroliñanan mericano JetBlue y United Airlines a lansa colaboracion nobo ‘Blue Sky’, cu ta impulsa opcionnan di biahe y recompensanan di fieldad pa clientenan di tur dos compania di aviacion. Y por usa esaki tambe pa bishita Aruba, cu ta pues beneficia nos isla tambe, door di turistanan cu kier bishita nos.  

KICO ESAKI TA 

E asociacion aki ta combina JetBlue su rutanan di Costa Oost y Caribe cu ta enfoca riba recreo cu United su red global expansivo, creando un experencia sin problema pa biaheronan. Blue Sky ta ofrece mas escoho di buelo, reservacion flexibel, y beneficionan di programa di fieldat mehora, tur mientras ta mantene e identidad di marca unico di cada compania di aviacion.

TA CUMINSA AUGUSTUS

Cuminsando e augustus aki, pendiente di aprobacion regulatorio, Blue Sky lo permití clientenan gana y redimi puntonan di fieldad den tur dos compania di aviacion. Miembronan di United su MileagePlus por usa miles riba mayoria di buelonan di JetBlue, inkluyendo 90 buelo di zomer diario cu ta conecta Noordoost cu destinacionnan di Caribe manera Aruba, Barbados y Jamaica.