NOAA: Ta pronostica temporada di horcan 2025 mas activo cu normal

MIAMI – E temporada di horcan pa 2025 ta inicia diadomingo awor, 1 di juni y termina 30 di November (di e aña aki). E instancia mericano National Oceanic and Atmospheric Administration (NOAA) su perspectiva pa e temporada di horcan di Atlantico 2025,  ta pronostica un chens di 30% di un temporada casi normal, un chens di 60% di un temporada riba normal, y un chens di 10% di un temporada bou di normal.

CUANTO TORMENTA 

E instancia ta pronostica un rango di 13 pa 19 tormenta total (biento di 39 mph of mas halto). Di esakinan, 6-10 ta pronostica pa bira horcan (biento di 74 mph of mas halto), incluyendo 3-5 horcan grandi (categoria 3, 4 of 5; cu biento di 111 mph of mas halto). NOAA tin un confiansa di 70% den e rangonan aki.

NOMBER DI HORCAN

E temporada di horcan di Atlantico 2025 lo usa un lista di 21 nomber cuminsando cu Andrea y cabando cu Wendy. E nombernan ta Andrea, Barry, Chantal, Dexter, Erin, Fernand, Gabrielle, Humberto, Imelda, Jerry, Karen, Lorenzo, Melissa, Nestor, Olga, Pablo, Rebekah, Sebastien, Tanya, Van y Wendy.