Na Belgica , a detene sospechoso asesinato di yu’i Kòrsou Rilles Gerard

ROTTERDAM/ WILLEMSTAD - Autoridadnan na Bèlgika a logra di pone man riba e hòmber ku ta keda sospechá di a tira e yu’i Kòrsou Ardilles “Rilles” Gerard (42) mata. E echo aki a sosodé den anochi di 1 pa 2 di febrüari último na Hulanda. Outoridatnan di Hulanda a emití un órden di detenshon di e hòmber aki na Bèlgika. Polisnan na Bèlgika a topa e hòmber aki den un fasilidat di un “banko di kama”, kaminda e tabata skondí. Ta trata di un hòmber di 32 aña di Amsterdam ku a keda detené. Awor ta start e proseso pa trasladá pa Hulanda kaminda e tin di bai respondé p’e akto aki.

Outoridatnan hulandes a traha hopi duru riba e kaso aki pa un solushon, dor di pasa e kaso aki den e programa na Hulanda, “Opsporingsverzocht”. Hasta a manda pidi outoridatnan na Kòrsou pa komunidat por duna informashon si sa ken a kometé e echo aki te ku algun siman atras, ta sospecha ku un amigu di Rilles mes a tir’e mata, pasombra for di despues di e echo aki, no a mira ni tende nada dje amigu. Djaluna último outoridatnan na Bèlgika a detené.

Polis ta sospechá ku e arma ku kual a tira Rilles mata durante di un fiesta Karibeño den e sentro Sunrise na Rotterdam, lo a drenta di kontrabanda den e lugá. Pa evitá ku por a pasa ku e arma dor di porta, e detektornan por reakshoná riba esaki òf e personal di seguridat topa ku e arma di kandela, polis ta pensa ku esaki lo a keda entregá dor di e hèkinan di den banda dje sentro di fiesta. Un hòmber di 24 aña di Amsterdam tambe a haña bala pero a skapa. Rilles a fayesé den hospital. NOTA: E texto ta scirbi den papiamento fonetico di Corsou.