Ling: “Mi tabata naïve y ta sinti mi mes culpable. Mi mester tabata mas alerta!”

ORANJESTAD – E ex director interno di Arubahuis, G. Ling (62) a splica huez diamars atardi cu e la pasa den duro. Mescos cu e otro sospechoso Besaril den e caso penal Tulipan, e tambe a haya chens pa splica su situacion personal na huez diamars atardi, pa huez por tene cuenta cu esaki, ora di formula un sentencia den e caso. “Cos ta dificil”. Mi a bay cu VUT despues. Cos ta bayendo basta bon na cas” Ling a bisa, splicando huez cu awor e ta na cas, cu su casa, cu e la casa cune 8 aña pasa despues di a biba hunto 30 aña. E tin un yiu homber cu ta studiando awor.  “Mi mester tabata mas alerta. Mi tabata naïve y mi ta sinti mi mes culpable” e la bolbe bisa huez. Algo cu e la ripiti hopi biaha durante e tratamento di e caso. E la confesa na huez cu aña pasa April, despues cu e la keda deteni y cera algo mas di 3 siman, e la haya un atake di curazon. E ta sigura cu e trabou cu e la tuma di bay Arubahuis, e la haci pasobra e tabata algo bon p’e, despues di tabata nonactief pa tres aña. Lugar e trabou, a bira su pio momento. Diabierna mainta, fiscal ta presenta su rekisitorio, den cual e lo exigi e respectivo castigo, pa despues e abogadonan di Ling y Besaril presenta nan defensa.