Trump despues di yamada di telefon cu Putin: Ucrania y Rusia lo negosha paro di fuego

WASHINGTON - Segun presidente di Merca Trump, Rusia y Ucrania lo negocia inmediatamente un paro di fuego. El a bisa esaki despues di un combersacion telefonico cu presidente Ruso Putin. Ucrania no a confirma esaki.

E dos lidernan mundial a papia na telefon pa mas di dos ora. Prome cu e combersacion, Trump a yama presidente di Ucrania Zelensky. Trump a bisa riba su plataforma di media sosial Truth Social cu e combersacion cu Putin a bay “hopi bon.” Segun e, Vaticano kier organisa e negociacionnan.

Putin ta menos specifico, pero ta bisa cu Rusia ta prepara pa papia cu Ucrania tocante e principionan di un acuerdo di pas. E presidente Ruso ta bisa cu un paro di fuego por wordo anuncia despues cu yega na un acuerdo.

Ucrania y su aliadonan Europeo te awor a insisti cu un paro di fuego mester bini prome. Solamente e ora ey e negosacionnan por cuminsa, nan ta kere.

Despues di e combersacion, ta ser bisa cu Trump a informa presidente di Comision Europeo von der Leyen, presidente frances Macron, prome minister italiano Meloni y canciyer aleman Merz.