- AWSS: Medio mei por sinti e efecto nan positivo di e cambio na Bubali su planta
- Caso di Mike de Meza contra DIMP ta fin di mei awor!
- Na Corsou, Gobernador a huramenta Parlamento nobo
- Premier Schoof impresiona cu empresario Kock na Aruba
- Eman: Autosuficiencia y resiliencia Arubano a sobresali durante bishita di premier Dick Schoof
Pastoor Maduro: Sorprendi cu nombramento di e Papa nobo, pero contento tambe
ORANJESTAD – “Pa ami esaki tawata un sorpresa grandi y Spirito Santo no tawata cu vakantie ora e Cardenalnan a vota“, tabata e prome reaccion di pastoor Jairo Maduro di parokia di Santa Cruz na NoticiaCla diabierna, riba e nombramento di e Papa nobo Leon XIV un dia prome. “ Ayera tawata un dia di hubilo pa mundo henter y Iglesia Catolico Romano, ora cua keda scohi un Papa Nobo den persona di Robert Francis Prevost Martinez cu a tuma e nomber di LEON XIV”.
DESCONOCI
Segun e sacerdote, e Papa nobo, ta un desconoci p’e. “ Nunca mi a tende di e cardenal aki cu a wordo schohi, pero investigando e contenido di su bida como sacerdote, sin duda su nombramento ta yenami cu alegria y speranza cu Iglesia lo sigui ta un hopi cerca cu pueblo” e sacerdote a sigui bisa. “ E sacerdote Agustino aki tabata misionero pa hopi aña na Peru den e zonanan cu hopi reto.Zonanan pober y margina. Esaki ta un sacerdote cu conoce holor di carnenan y si wowonan a mira necesidad y e semper tawata tey pa su hendenan”. Manera ta conoci, Robert Francis a nace na U.S.A, e ta un Filosofo,Teologo y Canonista, mas importante ta, cu e semper den e lugar di mishon na Peru.” E tawata un bon wardador. E ta un homber cu dobel nashonalidad, pues americano y peruano, E mes tawata kier esey. Pues mi tin confianza cu sin duda Papa Leon XIV lo sigui trese iglesia mucho mas cerca di tur hende” pastoor Maduro a bisa. “Na mi parecer e lo ta un Papa di “Pasenshi Pastoral” y di unidad y di paz. Cu nos bon Dios yudele!”, pastoor Maduro a finalisa bisando.
AWSS: Medio mei por sinti e efecto nan positivo di e cambio na Bubali su planta
ORANJESTAD – Aruba Wastewater Sustainable Solutions (AWSS) dialuna, a informa cu desde medio mei lo por cuminsa experencia e efecto nan positivo di e cambio nan ehecuta na Bubali su planta, caminda e planta lo ta den un bon condicion pa procesa e awa sushi cu e ta ricibi den un forma adecuadamente. AWSS a splica cu su meta pa e proximo luna nan ta pa improvisa e cualidad di e awa procesa na e nivel cu ta conforme e norma nan.
Wind Creek Aruba ta presenta e di 7 edicion di Long Table Aruba
ORANJESTAD – E di 7 edicion di Long Table Aruba, organisa pa Wind Creek Aruba, ta back pa un solo anochi, e unico mesa di cena di mas largo completamente blanco cu un balor di $60,000 pa Aruba. E evento di e anja aki lo tuma lugar diadomingo, 22 di Juni y lo conta cu un setup di un mesa largo di 1000 pia cu lo wordo prepara pa 1000 invitado bisti na blanco riba L.G Smith’s Boulevard dilanti Renaissance Wind Creek Aruba Resort. Tickets di entrada lo ta $60, lo por reserva esaki online diaranson 14 di Mei, pa exactamente 10:00 or di mainta!
JET-TNCA FBO Aruba a uni na Air Elite by World Fuel Network
ORANJESTAD - JET-TNCA FBO Aruba (JET-TNCA), opera pa Aruba Airport Authority N.V. (AAA), a anuncia cu oficialmente, for di aña pasa, Aruba a wordu reconoci como e FBO number 86 den e organisacion Air Elite by World Fuel Network. E logro aki ta e resultado di un proceso riguroso di dos aña, cu a inicia durante e NBAA Schedulers and Dispatchers Conference, caminda a invita JET-TNCA pa prome biaha como un posibel miembro. For di e tempo ey, e team di JET-TNCA a traha estrechamente cu e representantenan di World Fuel, Air Elite y otro miembronan, pa asina mantene un comunicacion directo y keda alinea cu e normanan di e red.
WEB: Tanki nobo di awa na Alto Vista ta garantisa suministro di awa stabil
ORANJESTAD – WEB Aruba N.V. diabierna a informa cu den cuadro di e proyecto pa construccion y instalacion di un tanki di awa pa Alto Vista, e siman aki a marca e centro di e tanki pa asina e preparacionnan final pa e instalacion di e vloer di staal por tuma luga. Na luna di november di aña 2022 a cuminsa cu e trabaonan di desmantelacion di e tanki di awa bieu. Fin di 2024 y comienso di 2025 a evalua solucionnan mas duradero pa e vloer, sea di concrete of di staal y finalmente a escoge pa un vloer di staal. E proyecto aki ta forma parti di “Upgrade Aruba Water Distribution Network” cu ta un proyecto mas grandi y integral cu ta encera construccion, instalacion di tanki nobo, cambio di pomp y tuberianan tur rond di nos isla. Pa WEB e inversion den un tanki nobo pa Alto Vista ta uno strategico y esencial.
SETAR empoderando educacion: tur scol na Aruba awo conecta riba Fiber!
LATAM Colombia ta pidi pa opera buelonan entre Bogotá y Aruba
BOGOTA - E Directorado di Asuntonan di Transporte Aereo y Aviacion Comercial di Colombia su Unidad Administrativo Special di Aeronautica Civil a anuncia cu dia 28 di april 2025, Aerovías de Integración Regional S.A. i/òf LATAM Airlines Colombia S.A. a entrega un peticion via comunicacion electronico pa agrega un permit nobo di operacion regular categoria di transporte aereo pa pasahero, post y carga. Ruta: Aruba (AUA) – Bogotá (BOG)
Follow NoticiaCla
