- Tierra del Sol Golf Course a habri atrobe despues di 13 luna di renovacion
- Ministernan ta evalua si ta intensifica combatimento di droga den region
- MEP: Placa cu Hulanda ta duna pa energia, no ta nobo sino compromiso haci di 2023
- Corsou tambe ta ricibi 125 miyon florin di Hulanda pa drecha su red di corriente
- Si seleccion di Hulanda gana Polonia diabierna, e ta clasifica pa mundial
Hulanda no ta mete awor cu Merca a corta financiamento pa NGO pa islanan CAS
DEN HAAG – Gobierno Hulandes ta bisa di lo no interveni pa compensa e perdida di sosten financiero di Merca cu ta afectando NGO’s y iniciativanan di sociedad civil na Aruba, Curaçao, y Sint Maarten. Esaki a keda confirma door di Secretario di Estado Hulandes pa Relashonnan di Reino, Zsolt Szabó, como contesta riba preguntanan por eskrito di Parlamentario Hulandes Raoul White (GroenLinks-PvdA).
Segun Szabó, ta principalmente responsabilidad di e gobiernonan local di e paisnan autonomo di Caribe pa atende e impacto di financiamento reduci di Merca—particularmente esun di e Agencia di Merca pa Desaroyo Internashonal (USAID). E fondonan aki anteriormente tabata sostene un rango di programanan di asistencia social, di salud y huridico, incluyendo servicio pa migrantenan indocumenta, poblacionnan vulnerabel y esnan cu ta busca proteccion.
Szabó a reconoce cu e cortamento di presupuesto di USAID ta afectando NGOnan internacional activo den e region, pero el a enfatisa cu Reino Hulandes no ta responsabel pa reemplasa e recursonan perdi aki. “E relacion constitucional special no ta nifica cu Reino mester compensa pa e descontinuacion di financiamento externo,” e la declara. “Esaki ta keda un responsabilidad primordial di e paisnan den Caribe.” Por lesa e carta completo original AKI.
Si seleccion di Hulanda gana Polonia diabierna, e ta clasifica pa mundial
AMSTERDAM - E periodo internacional aki por keda desisivo pa Oranje: clasificacion pa e Campeonato Mundial di 2026 den Merca, Canada y Mexico. Un victoria diabierna contra Polonia den Warschau ta basta pa un ticket pa Copa Mundial.
Yiu di Corsou femenino a fayece despues di tragedia di tiro na Hulanda
ROTTERDAM – Un muhe di 24 aña di origen Corsou for di Oss a muri despues cu e la wordo tira den anochi di diasabra pa diamingo na Kralingseplein den Rotterdam. Asina polis ta informa. Un homber di 28 aña for di Nijmegen a wordo deteni. Un tercer sospechoso ta ainda fugitivo. Segun medio regional, e muhe tabata sinta den un Suzuki blanco ora cu poco prome di dos or di madruga a tira. Servicio di emergencia a reanima e muhe na luga mes y a hiba e den condicion critico na hospital, unda despues e la muri.
Heera Dijk (D66) ta logra mas di 6 mil voto pa eleccion Tweede Kamer na Hulanda
DEN HAAG – E candidato politico hulandes cu lazo Antiano, Heera Dijkstra a logra un total di 6.352 voto riba su nomber. “Ki number! Esaki ta realmente fantastico” Heera ta bisa riba su pagina personal di Facebook. Di e suma menciona, 1014 ta di su ciudad natal Delft. “ Mi yamada tabata: “Delft, laga mi tende di bosnan!” Y bosnan a tende, y di manera grandi tambe. Masha danki pa bo voto y danki di curazon pa tur e mensahenan dushi. Nan a toca mi, nan ta dunami forsa y energia” Heera a sigui bisa. E ta conciente cu tanto voto pa nan partido D66 ta yega un gran responsabilidad.
Kiesraad di Hulanda a confirma diabierna: Partido D66 ta e mas grandi cu 29.668 voto mas cu PVV
DEN HAAG - D66 a gana e eleccion pa Tweede Kamer na Hulanda cu 29.668 voto mas cu PVV. E Kiesraad a anuncia esaki durante un sesion publico den Tweede Kamer. E diferencia final entre e number 1 y number 2 ta mas di mil voto mas grandi cu e cantidad cu e servicio electoral di ANP tabata spera. Esey no tin efecto riba e reparticion di zetel. Tur dos partido mas grandi ta ricibi 26 zetel. Despues ta sigui VVD cu 22 zetel, GroenLinks-PvdA cu 20 zetel y CDA cu 18 zetel. Cinco muher a keda eligi pa Tweede Kamer manera tabata spera, cu voto di preferencia.
Ajax a despedi entrenador su John Heitinga despues di mal cuminsamento di temporada
AMSTERDAM – E seleccion di futbol profesional hulandes Ajax a despedi John Heitinga y a pone dje na non-activo inmediatamente. E club ta busca un nobo entrenador principal despues di un mal cuminsamento di temporada. Tambe e contrato di e asistente entrenador Marcel Keizer a wordo termina. AJAX, banda di Feyenoord, ta un di e clubnan mas popular tambe na Aruba y ta hopi sigui.
Heera Dijk scohi como vocero nobo pa Relacionnan di Reino pa partido D66
DEN HAAG – E fraccion nobo di D66 a eligi Heera Dijk como vocero pa Relacionnan di Reino. “Un regalo di cumpleaños”, paso awe e ta celebra su 46 aña di edad. Noticiacla recientemente a entrevista Dijk den e edicion special di Noticiacla LIVE.
Follow NoticiaCla
