LATAM Colombia ta pidi pa opera buelonan entre Bogotá y Aruba

BOGOTA - E Directorado di Asuntonan di Transporte Aereo y Aviacion Comercial di Colombia su Unidad Administrativo Special di Aeronautica Civil a anuncia cu dia 28 di april 2025, Aerovías de Integración Regional S.A. i/òf LATAM Airlines Colombia S.A. a entrega un peticion via comunicacion electronico pa agrega un permit nobo di operacion regular categoria di transporte aereo pa pasahero, post y carga. Ruta: Aruba (AUA) – Bogotá (BOG)

Avion: Airbus A320

Frecuencia: Dos buelo semanal

Derechonan di Trafico: Di Cinco Libertad di Aire

Cuminsamento di Operacionnan calcula: Prome mitar di 2026

Di acuerdo cu e principio di transparencia y artículo RAC 5 di e Manual di Procedura pa Actividadnan Aeronautico di Servicio Aereo Comercial, e informacion aki lo ta disponibel publicamente riba e website di e Unidad di Aeronautica Civil pa tres (3) dia, permitiendo interesadonan pa revisa e proposicion.

Na 2024, Aeropuerto di Aruba y Autoridad di Turismo di Aruba a anuncia un aumento den buelonan di LATAM Airlines entre Lima y Aruba. Colombia awor ta cla pa join e red aki, mehora conectividad entre e destinacionnan.

Den e mercado aki, LATAM lo competi cu Avianca (14 buelo semanal riba e ruta Bogotá–Aruba) y Wingo (2 buelo semanal Bogota–Aruba y 3 buelo semanal Medellin–Aruba).