Pastor Curtis Meris, canciyer di Obispado: Papa Leo XIV conoce e realidad di rond mundo

WILLEMSTAD - Ayera huma blanku a sali for di e chimenea na Vatikano anunsiando ku kardinal Robert Prevost ta bira e di 267 Papa na kabes di Iglesia Katóliko. E lo funshoná bou di Papa Leo XIV (14). E di 267 pontífise di misa katóliko a nase na Chicago den 1955, pero tambe tin nashonalidat peruano, kaminda el a traha komo misionero i arsobispu emérito di Chiclayo.

Relashoná ku e anunsio aki, EXTRA a papia ku pastor Curtis Meris kende ta kansier di Obispado di Willemstad. Pastor Curtis a indiká ku e ta ku sea ta na e di kuater òf di sinku votashon, Kardinal Prevost a keda skohe komo Papa. E votashon aki a kai mesun kos ku e otro biahanan. Naturalmente no por spera ku riba e promé dia, lo tin un voto desisivo ken ta bira Papa.

Ora mira e eskoho di Kardinal Robert Prevost, pastor Curtis ta kere ku aki nos mester ban elevá e sentido di nashonalidat i riba biografia. E biografia ta hasi ku e ta un eskoho tin konekshon ku henter mundu. Pa motibu di Kardinal Robert Prevost su funshon ku e tabatin, e tin konekshon ku henter mundu. E tabata superior general di su Kongregashon San Augustino. Esei ta hasi ku e konosé e realidat rònt mundu. Tambe su formashon, teológiko i kanóniko ku e tin. Aparte di esei mester mira e sentido di mishon ku e Kardinal Prevost tabatin, pasombra e tabata un estranhero riba mishon den un pais distinto ku ta Perú. E ta duna un sentido di komprenshon p’e imigrantenan ora tin di bai otro pais.

Mas aleu pastor Curtis a bisa e echo ku Papa Francisco a nombra Kardinal Prevost den vários funshon i nombr’é kardinal, den su trabou i estilo probablemente e lo por bai kontinuá ku loke Papa Francisco a inisiá.

Pastor Curtis a bisa EXTRA ku ayera e tabatin kontakto ku un Obispu ku ta traha na Vatikano i nan a papia riba Kardinal Prevost. E Obispu aki konosé Kardinal Prevost paso el a traha kuné den mesun edifisio na Vatikano. Di akuerdo ku e Obispu, Papa LEO XIV ta un persona masha kariñoso, ta skucha i ta miserikòrdia, kual karakterístikanan bunita ku Iglesia Katóliko ku mester di dje. NOTA: Texto ta scirbi den papiamento fonetico di Corsou.