- AWSS: Medio mei por sinti e efecto nan positivo di e cambio na Bubali su planta
- Caso di Mike de Meza contra DIMP ta fin di mei awor!
- Na Corsou, Gobernador a huramenta Parlamento nobo
- Premier Schoof impresiona cu empresario Kock na Aruba
- Eman: Autosuficiencia y resiliencia Arubano a sobresali durante bishita di premier Dick Schoof
A.T.A. y CEDE Aruba cu aliansa di mey miyon pa mehora calidad di bida riba nos isla
ORANJESTAD - A.T.A. y CEDE Aruba a cera aliansa di mey miyon pa mehora calidad di bida riba nos isla. Segun informacion di ATA, siguiendo e strategianan stipula di Aruba Tourism Authority (ATA) su strategia MACS (Multi Annual Corporativo) 2025-2035, tanto A.T.A. y CEDE Aruba ta comparti un interes comun den nan metanan y direccionnan como organisacion. Pa A.T.A., considerando e sentimento local y e bienestar di nos comunidad, un alineacion strategico cu CEDE Aruba ta beneficioso.
BALANSA
“Pa nos ta importante pa por crea e balansa entre desaroyo economico, impacto di turismo y bieniestar general di nos ciudadanonan. Pa comunidad por brinda un bon servicio na nos bishitantenan, nan mester ta feliz. Y pa yega na e nivel ey, mester por conta cu trankilidad social, mental y ambiental. Y na A.T.A. nos ta sigui duna di nos parti pa alcansa e nivel ey, sperando cu asina nos ta inspira mas entidad y negoshinan den comunidad pa haci mescos”, asina Ronella Croes, CEO na Aruba Tourism Authority a duna di conoce.
PROYECTONAN
A.T.A. a aserca CEDE Aruba y e ekipo di profesionalnan den A.T.A. a studia e diferente proyectonan y a concorda pa brinda sosten financiero di mey miyon florin, parti durante dos aña di tempo, pa realisa un lista di evento y programanan valioso. Ta trata aki di “Aruba Volunteers Platform”, un programa pa promove mas boluntarionan local como turista pa yuda organisacionnan den comunidad. Cu esaki kier logra pa mehora e responsabilidad social coorporativo y envolvimento activo di comunidad door di negoshinan local y internacional. Cu esaki ta facilita tambe “voluntourism” brindando e bishitante mas oportunidad pa duna bek. Banda di esaki e acuerdo ta inclui re-introduccion di e programa “Happy to Give Back” cu ta duna e bishitante e oportunidad di haci donacion cu ta bai bek pa nos comunidad. Tur esaki lo duna realse na campaña internacional lansa pa A.T.A. “When you love Aruba, it loves you back”.
FONDO
A aloca fondo pa e programa “Youth Afterschool Activities” pa por organisa un minimo di 10 programa di enrikecimento y liderazgo (tayer y actividadnan, 14 sesion pa grupo) pa 200 hoben local, den colaboracion cu partnernan y boluntarionan internacional. E programa lo preveni negligencia hubenil, stimula desaroyo personal y habilidad di liderazgo.
FESTIVAL
A.T.A. ta contento tambe di a aproba sosten financiero pa e “Neighborhood Activities and Festivals”. Lo organisa 4 festival/evento basa den bario cu organisacionnan di comunidad, manera mercadonan di arte local, festivalnan di cuminda, ferianan intercultural. Esaki ta provee e comunidad cu oportunidadnan pa intercambia. Kier logra un aumento di compromiso di comunidad, expresion cultural y oportunidadnan recreativo pa local y bishitante.
PLAN COORPORATIVO
E Plan Corporativo di A.T.A. y tambe e Strategia Corporativo Multi Anual, tur ta contene esfuersonan pa por logra e balansa corecto pa loke ta trata atencion pa calidad di bida di nos habitantenan, cual ta acapara tambe e sentimento di e comunidad den cual mester tin mas enfoke riba e aspectonan social.
CIUDADANO FELIZ
Un ciudadano cu un bon calidad di bida, ta un ciudadano feliz. Y ta e empleado ey lo bay e extra-mile pa brinda un servicio superior na su clientenan. A.T.A. ta consciente cu mester haci mas pa garantisa un miho balansa den crecemento di turismo banda di balornan social, cultural y esfuerzonan pa protehe nos naturalesa. “Cu e acuerdo aki, mi ta convenci cu nos ta dal un paso, cu un bon partner strategico, pa logra cosnan grandi pa nos pais”, di acuerdo cu e CEO di Aruba Tourism Authority.
Premier Schoof impresiona cu empresario Kock na Aruba
ORANJESTAD – Prome minister hulandes Dick Schoof durante su bishita na Aruba, a bishita e.o,. un viñedo y cria di galiña di Aruba hunto cu Minister Geoffrey Wever. “Apesar di e clima difícil, tabata posibel pa cultiva druif aki riba un escala comercial. Un bon ehempel di empresario”, e mandatario a comenta riba su cuenta di Instagram, despues di su bishita.
Banco Central di Aruba a reduci e reserva obligatorio pa banconan comercial
ORANJESTAD - Entrante 1 di maart 2025, Banco Central di Aruba (CBA) a reduci e tasa di reserva obligatorio di 13,5% pa 12,5%. E decision monetario aki ta baha e balansanan minimo cu banconan comercial local mester tene na CBA, aumentando asina e fondonan disponibel pa prestamo y pa inversion.
Secrets Baby Beach ta ricibi su prome huesped den juni pero ta pospone apertura inaugural pa november
ORANJESTAD – MIentras cu e hotel Secrets Baby Beach ta cla pa ricibi su prome huespednan dia 5 di juni proximo, a dicidi cu ta hala e apertura official pa November di e aña aki. E intencion tabata pa tene e ceremonia official dia 30 di mei proximo. Pero a opta pa cambia esaki ya cu e apertura official lo a nifica un pausa den preparacion official. Y esey nan ta prefera di no haci, y ta prefera pa priorisa un apertura suave y sin interupcion. A compronde cu ora cu e hotel habri su porta dia 5 di juni proximo , e lo ainda falta algun parti, pero pa November, e lo ta operando cu su capacidad completo.
Aeropuerto di Aruba ta raporta rendimento solido den prome cuartal di 2025
ORANJESTAD - Autoridad di Aeropuerto di Aruba N.V. (AAA) ta informa un rendimento solido den e prome cuartal di 2025, cu crecemento continuo den e metriconan clave di trafico y perspectiva positivo pa e resto di 2025. Asina e portal di routesonline, ta raporta awe.
BCA: E Indice di Confiansa di Consumidor a baha den e di cuater trimester di 2024
ORANJESTAD - E Indice di Confiansa di Consumidor a baha den e di cuater trimester di 2024, ya consumidornan ta indica cu por cumpra menos cu nan entrada compara cu 6 luna pasa. Banco Central di Aruba (BCA) a conclui e Encuesta di Confiansa di Consumidor pa e di cuater trimester di 2024. E encuesta di confiansa di consumidor ta evalua e percepcion economico di e consumidor local. Consumidornan tabata mas pesimista, mirando cu e Indice di Confiansa di Consumidor a baha cu 0,5 punto di indice te na 94,2 den e di cuater trimester di 2024
Relato annual di ATA: Turismo di Aruba a conoce crecemento di 13%
ORANJESTAD - Aruba Tourism Authority (A.T.A.) recientemente a entrega su cuenta anual, audita pa un accountant, na Minister di Turismo, Transporte y Labor, mr. Wendrick Cicilia, cumpliendo asina cu e reglanan vigente. E cuenta anual ta refleha un aña record di crecemento y di trabou duro pa sigui desaroya, innova y balansa nos turismo, siendo e unico pilar economico di nos pais. For di aña 2011 cu Aruba Tourism Authority (A.T.A.) a bira un entidad autonomo, tur aña sigui a cumpli cabalmente cu entregamento di nan cuenta anual audita na tempo, den luna di maart (no mas tarda cu promer di april) di e aña siguiente. E rapport di aña 2024 ta refleha un gran logro, inovacion y compromiso fuerte cu un futuro sostenibel pa Aruba.
Follow NoticiaCla
