Presidente di AVB suspendi ‘per direct’ debi na problema cu impuesto

ORANJESTAD – E federacion nacional di futbol di aruba, Aruba Voetbal Bond (AVB) a suspende su presidente Randolf Lacle, ‘per direct’. Segun un carta den poder di e portal aki, a opta pa pone e director riba 'non actief', citando por lo menos 9 punto . Entre nan cu e la faya den traspasa loonbelasting y primanan social na departamento di impuesto.  Como tal, DIMP a manda un carta pa AVB, cu e presidente lo a 'sconde'. Peticion di e directiva pa haya mas informacion a keda nenga pa e presidente segun e carta. Ademas, segun e carta, e presidente na september 2024 lo a informa e directiva cu AVB ta 'altanto' cu e responsabilidad pa cu DIMP, cu no ta corecto, pa cual ta acusa e presidente di falsificacion di firma (valsheid in geschrifte). A base di tur esaki, a opta pa suspende e presidente per direct. E desicion a wordo firma door di e vice presidente y secretario general. Segun e vice presidente di AVB, den curso di awe, lo tin un comunicado di prensa riba e tema aki. A inicia tambe un investigacion interno pa haya sa exactamente kico por a pasa. 

FACEBOOK

Mientrastanto sr Lacle, dialuna anochi mes, a pone un ‘post’ riba su pagina di Facebook, cu tambe ta bisa algo. ‘No hay almohada mas comoda que una conciencia tranquila’. Cu esaki, por interpreta esaki cu e ta sigura cu e ta drumi cu un consenshi limpi. E dicho aki ta wordo usa hopi biaha ora cu e persona en cuestion no tin nada di teme y cu e ta sigura cu e no a haci ‘nada malo’. 

MAS INVESTIGACION

E noticia ta bin un momento hopi inoportuno, unda cu riba e mesun dia, minister di deporte mr Gerlien Croes ta anuncia cu lo inicia un auditorio interno den FFD, Fundacion di Federacion Deportivo, y unda cu tin mas instancia deportivo cu no ta pasa den su miho momento. Mientrastanto segun e portal deportivo 297 Sports, e situacion di sr Laclé ta cay dificil awor ora cu

Aruba su futbol a wordo poni bou di un lus mundial cu e projecto di academia di futbol’, segun e portal.