Corte:Matrimonio mesun sexo y caso Avestruz entre casonan impactante di 2024

ORANJESTAD – E caso den corte supremio di matrimonio di mesun sexo y e apelacion di e caso Avestruz ta entre e 6 casonan mas impactante pa 2024. Asina e relato annual di Corte di Husticia, publica diamars mainta ta relata. Otro casonan cu a hala atencion tabata e exigencia di un ex minister (Endy Croes) pa rectificacion di cierto media, e situacion na RWZI cu no tabata suficiente atendi, e caso di soborno di polis via cierto periodistanan, tambe ta riba e lista aki. Y finalmente, e apelacion contra desicionan di colegio ehecutivo di Aruba. Tur aña, Corte ta repasa e casonan cu mas a hala atencion e aña anterior. 

AVESTRUZ

Dia 12 di juli 2024, condenanan nobo a wordo dicta den apelacion den un caso di corupcion contra un ex minister. Corte a aumenta su castigo di prizon ku 36 luna compara cu e prome sentensia, loke ta nifica cu awor e ta ricibi un castigo di prizon di 48 luna, di kua 12 luna ta suspende. E ex minister ta wordo acusa di a abusa di su posicion y a daña e confiansa di comunidad seriamente.

 ENDY CROES

 Un minister a exigi un coreccion di publicacionnan online cu ta declara cu el a wordo retira cu razon pa auto-enrikecimento cu placa di su ex doño di trabou. El a afirma cu e declarashonnan aki tabata incorecto. Hues a rechasa e demanda, apesar di e hecho cu e articulonan no tabata completamente legalmente corecto,

pero e esensia di e reportahe tabata corecto. E informacion incorekto no tabata asina incorecto cu e articulonan a wordo considera ilegal. E minister a perde e caso ey. 

CASO RWZI 

 Un hotel y pais Aruba a inicia varios procedura huridico pa loke ta e molester causa pa e planta di tratamento di awa di riool   na Bubali. Repetidamente a ordena a pais pa tuma medida, pero segun Corte te ainda esaki no ta sosode suficiente. E mal condicion y funcionamento di e planta, ta responsabilidad di Estado, cu anteriormente a actua ilegalmente door di no a mantene esaki adecuadamente y amplia su capacidad.

Kiebro di secrecia oficial y soborno na polis di Aruba

Periodistanan G.A., G.G. y L.L. a scucha corte dicta sentenciaa den e caso di trafico di radio di polis pa mas cu dos aña y hunto cu V. a viola secreto oficial. Como periodista tambe nan a soborna V. activamente cu placa y servicio a cambio di informacion di polis. K.K. a haci acceso no autorisa na e trafico di walkie-talkie posibel, locual el a haci hunto cu V. y N.M.Q.C. a hasi. Esaki a daña e confiansa den polis, a compromete privacidad y a crea riesgonan pa ciudadanonan y sociedad. Corte ta tuma un bista serio di nan akshonnan.

Apelacion contra desicionnan di Colegio Ehecutivo di Aruba

Dia 28 di novèmber 2024, Corte a dicta cu e Hunta di Apelacion (CvB) den asuntonan di seguro social no ta independiente y imparcial bou di artíkulo 6 di ECHR. Esaki ta nifica cu awor ta posibel pa apela riba desicionnan di CvB. Segun cinco ordenansa nashonal, CvB a dcidi na prome y único instansia riba casonan di SVB, pero Corte ta haña cu e areglonan di nombramento y retiro pa miembronan di Colegio Ehekutivo no ta garantisa independencia sufisiente.cP’esey awor Corte ta trata apelacion contra decisionnan di CvB.

Corte Supremo: Matrimonio gay awor ta permiti na Aruba y Curacao

Corte Supremo a mantene e sentencia den apelacion, kiermen cu awor parehanan di mesun sexo por casa na Aruba y Curaçao. E decision aki ta reconoce cu e legislacion actual ta en pugna cu e prohibicion di discriminacion den e Constitucionnan di tanto Aruba como Curaçao. Corte a dicta hustamente na december 2022 cu no tin hustificacion pa exclui parehanan di mesun sexo for di matrimonio. Pa e relato completo di Corte pa 2024, click AKI.