Mama Canades sentencia pa a 'tape' cocaina na su yiunan bolbiendo di Aruba

TORONTO - Un dama di Toronto cu a usa su yiu homber jong pa yuda contrabanda 3.5 kilo di cocaina for di Aruba pa Canada a wordo sentencia na 3.5 aña di prizon pa un hues di Ontario cu ta urgi “algun forma di liberacion trempan” pa e por cuida su dos yiunan. Riba 6 di november 2019, autoridadnan na Aeropuerto Internacional di Toronto Pearson a gara Cassandra Gordon cu dos kilo di coca pega na su curpa; su yiu homber di diesdos aña tabatin 1.5 kilo pega na dje. Un hurado a haya Gordon, di 34 aña, culpabel di a importa cocaina for di Aruba pa Canada, rechasando su defensa di coaccion, segun e decision fecha dia 28 di april. E mama a alega cu e la wordo forsa pa contrabanda e cocaina pa Canada. E pregunta ta con a logra sali cu cocaina for di Aruba, te pa yega Canada.