Segun minister Wever, CAft ta duna conseho positivo riba presupuesto 2025

Posted on 04/29/2025 8:10 pm AST | Updated on 04/29/2025 8:12 pm AST

ORANJESTAD – Minister di Finansa Geoffrey Wever, diamars atardi a informa cu CAft a duna un conseho positivo riba e presupuesto 2025, aproba unanimamente pa Parlamento riba 28 di maart 2025. E conseho di CAft ta confirma e direccion financiero prudente di Gabinete AVP-Futuro y alabes efectivo pa yuda cu poder di compra na Aruba. Mester bisa si cu ainda CAFt mes no a publica e conseho riba su portal pa por verifica esaki.

PRESUPUESTO TA CUMPLI

CAft segun e mandatario, ta confirma cu Aruba su presupuesto 2025 ta cumpli cu e normanan financiero manera ancra den ley y ta nota positivamente cu hopi di e recomendacionnan anterior di CAft ta wordo sigui. “Segun e conseho di CAft, e presupuesto di pais Aruba ta presenta un financieringsoverschot di Afl. 192 miyon, ekivalente na 2.4% di e bruto binnenlands product (BBP), cumpliendo asina cu e norma prescribi di un saldo positivo di minimo 1% di e sector colectivo”.

Den su evaluacion, e minister ta sigui bisa, CAft ta resalta e importancia di sigui fortalece e maneho di gasto di personal y di formalisa un strategia structural pa reduccion di deuda externo, pa garantisa sostenibilidad financiero a largo plaso.

Minister Wever a indica: “Esaki ta un reafirmacion di e decisionnan cu nos a tuma den tur consideracion, pa un maneho di finansa publico cu ta responsabel y alabes efectivo: trahando disciplina pa crea espacio financiero pa yuda cu poder di compra.”

CAft su conseho positivo segun e minister, riba e presupuesto ta mustra cu:

• E aumento di reparatietoeslag di Afl. 250,- pa luna desde 1 di mei pa pensionadonan ta wordo implementa den un forma prudente y controla y ta recomenda pa haci un inkomenstoets;

• Overschotten di institucionnan manera AZV y SVB lo wordo uza pa reduccion efectivo di deuda.

Minister Wever a conclui: “Nos ta traha riba base di disciplina y un direccion cla pa un Aruba financieramente solido y fuerte. Mi ta gradici tur funcionario y instancia cu ta traha pa Aruba sigui progresa." Ministerio di Finansa lo sigui mantene pueblo informa riba e desaroyonan principal den maneho di e finansa publico.

Eman: Autosuficiencia y resiliencia Arubano a sobresali durante bishita di premier Dick Schoof
ORANJESTAD - Diasabra atardi, Prome Minister di Aruba, mr. Mike Eman, a ricibi cu honor su homologo Hulandes, Prome Minister Dick Schoof, na su oficina na Cocolishi pa un reunion formal y strategico. Durante e reunion cu henter conseho di minister a dialoga riba e lasonan politico y di cooperacion entre Aruba y Hulanda.
Mas Politica
Lesa Mas
Bishita di Schoof na hospital: Pashentnan indocumenta ta peso enorme riba fondo di HOH
ORANJESTAD - Como parti di e bishita di trabao di Prome Minister di Hulanda Dick Schoof diadomingo mainta, Minister di Salud Publico Drs. Mervin Wyatt-Ras, a compaña Premier Schoof den un bishita na Hospital Horacio Oduber (HOH). Jacco Vroegop, Director di HOH, hunto cu miembronan di directiva di hospital, a ricibi Premier Schoof y Minister Wyatt-Ras y a invita e delegacion pa un reunion cu demas miembronan di directiva. Durante di e reunion, a intercambia punto di bista riba e futuro di HOH, e importancia di inverti den capacitacion continuo di personal medico y di enfermeria, y e nesesidad pa reserva puestonan pa nos studiantenan local por specialisa na Hulanda pa por garantisa cuido medico di calidad y moderno pa nos comunidad y bishitantenan. Ademas a intercambia pensamento riba un cooperacion strategico cu Hulanda pa locual ta trata e compra di remedi hunto, pa por haya esaki na prijs mas economico.
Mas Politica
Lesa Mas
No ta converti e debe di Covid, den un fondo di inversion
ORANJESTAD – Hulanda no ta pro pa converti e debe di Covid, den un fondo di inversion. Un fondo di inversion ta bon pa Aruba, pero no cu placa di Hulanda. Esaki tabata e comentario di e prome minister hulandes Dick Schoof durante su prome encuentro cu prensa diasabra na Aruba. Cu esaki, e ta confirma e pensamento di secretario di estad Zsolt Szabó, cu a bisa Noticiacla recientemente mescos tambe. Fondo di inversion ta un bon idea, pero cu fondo local. No manera cu e prome minister di Aruba mr Mike Eman a sugeri, y propaga durante e campaña electoral, esta cu mester converti e debe di Covid, den un fondo di inversion. Schoof a para ariba cu Aruba tin cu cumpli cu e palabracion haci, esta cu tin cu paga e debe bek. Pues no por cambia esaki den un fondo di inversion.
Mas Politica
Lesa Mas
Bista fotografico di e prome dia di bishita di premier hulandes Schoof
ORANJESTAD - Diasabra e prome minister di Hulanda Dick Schoof durante su prome bishita na Aruba, e mandatario tabata basta ocupa. E la bishita Fort Zoutman, Cocolishi y Gobernador di Aruba. Un bista fotografico di su prome dia di bishita.
Mas Politica
Lesa Mas
Prome Minister di Hulanda Dick Schoof ta na Aruba
ORANJESTAD - Prome Minister hulandes Dick Schoof a yega Aruba diasabra merdia pa un bishita di 22 ora. Prome Minister mr. Mike Eman a ricibi e mandatariona Aeropuerto Reina Beatrix acompaña pa altocomisario di Polis, drs. Ramon Arnhem y director interino di VNO, Vincent Storimans.
Mas Politica
Lesa Mas
Prome minister di Hulanda Dick Schoof ta bishita Aruba e weekend aki
ORANJESTAD - Promé minister hulandes Dick Schoof ta bishita Aruba e fin di siman aki, pa ta exacto 22 ora, cuminsando diasabra 10 di mei. E bishita di cera conoci ta caracterisa pa Reino den un mundo cu ta cambiando. Banda di encuentronan cu gobernador-, prome minister y miembronan di Staten di Aruba, e bishita ta encera un programa diverso. Riba 10 di mei e ta biahe pa Aruba. Aki e ta bishita un empresa local y e ta bishita Hospital Horacio Oduber y Korrektie Instituut Aruba (KIA). E promé minister ta sali 11 di mei pa Corsou, unda e ta haña un rekorido na e base di marina.
Mas Politica
Lesa Mas