Top chef Jonnie Boer (60) a fayece na Boneiro

KRALENDIJK – E top chef hulandes Jonnie Boer a fayece na Boneiru diaranson. E chef di 60 aña a sucumbi na un embolia pulmonar diarason. Su morto a keda confirma na De Telegraaf pa un bosero na nomber di su casá Thérèse.

Jonnie Boer tabata co-propietario di e restaurant renombra Brass Boer riba e isla, cu e tabata maneha hunto cu su casa. E restaurant, situa na costa di Boneiro, a atrae tanto gourmetnan local como invitadonan internacional y a wordo mira como un vitrina culinario di e isla.

Como chef di e restaurant di tres strea di Michelin De Librije na Zwolle, Boer a haya reconocimento mundial. Su nomber tabata sinonimo di calidad halto, creatividad y inovacion culinario. Bou di su liderazgo, incontabel chef hoben a crese bira chefnan estelar.

Cu Thérèse el a construi un compania di horeca cu ta extende for di Zwolle te na Corsou y Boneiro. Nan yiunan Jimmie (24) y Isabelle (21) awor tambe ta activo den e negoshi di famia. Articulo cortesia Bonaire.nu