Na Hulanda pronto lo exigi nummerplaat pa e-steps por subi caya

DEN HAAG - Minister di Infrastructura Madlener (PVV) ta premira cu brommernan electrico y e-steps lo wordo permiti riba camindanan publico “a corto plazo”, el a bisa den un entrevista cu De Telegraaf.

Aunke nan ta permiti pa bende caba, actualmente no tin casi ningun e-scooter aproba pa trafico. Ken ku ta kore un e-scooter ilegal riba kaminda públiko ta riska un but.

E scooternan cu lo wòrdo admiti lo ricibi un plachi di number despues di aprobashon di RDW. Esaki ta conta tambe pa otro vehiculonan electrico lihe y asina yama bromfietnan special sin asistensia di pedal. E grupo di vehiculonan aki mester tin un plachi di number entrante 1 di juli.

Pa bromfietnan special existente manera e bus BSO, e susesor di e Stint, e doño mester regla un number di registracion denter di un aña. Esaki tambe ta posibel na RDW.

18 EURO

E minister ta preocupa pa seguridad riba caminda y e exigencianan di calidad impone riba vehículonan. E plachi di number ta haci’e mas facil pa polis controla si un vehiculo ta permiti riba caminda of ta ilegal. Aplica pa un plachi di number pa un brommer special existente ta costa 18 euro. Normalmente e ta costa 50 euro, pero gobierno ta paga e diferencia pa e categoria di vehiculonan aki. E gabinete a anuncia anteriormente cu lo introduci reglamentonan nobo.